مؤمن المحمدي صفحة 8

قال حقوق الإنسان قال

السبت 21/08/2021 04:04 م

المفاهيم، بـ شكل عام، لا تتكون في الفراغ، وإنما تؤسس على بعضها، ولما نأسس المفهوم س ، على المفهوم ص ، يصبح ص دا إطارا حاكما لـ س . مثلا مدحت وجاره فاروق، بينهما علاقة يسودها الاحترام ، الاحترام دا مفهوم، غير قابل إنه يبقى مطلق، إنما بـ يتأسس على مفهوم تاني، وربما مفاهيم. لو أسسنا مفهوم الاحترام

مؤمن المحمدي

الداعية

الجمعة 20/08/2021 12:47 م

الداعية (بـ المعنى الواسع لـ الكلمة) ليس بـ وسعه أن يخلق تيارا، أو يبتدع توجها، أو يزرع فكرة. ما صادفنيش في التاريخ (حسب فهمي) أي حالات لـ أشخاص دعوا الناس لـ موضوع ما، قوم الناس استجابت لهم. اللي بـ يحصل هو إنه التيار نفسه بـ يتخلق نتيجة صراع اجتماعي ما، ثم ينمو، إما نموا طبيعيا بـ فعل الصراع، أو إنه

مؤمن المحمدي

الخبرة والعلم

الإثنين 16/08/2021 07:07 م

بـ شكل إجرائي، يمكننا التمييز بين 3 سبل، لـ إدراك الإنسان الموجودات من حوله، والتفاعلات اللي بـ تحصل بينها: هي الخبرة والمعرفة والعلم. لو تصورنا التلات سبل دول، مشدودين على حبل، فـ الخبرة تحتل أحد طرفيه، والعلم يحتل الطرف التاني، والمعرفة تحتل المساحة الوسط، وهي الأكبر بين جميع السبل. خلينا ناخد الطرفين:

مؤمن المحمدي

طبيعة المعلومات

الأحد 15/08/2021 03:26 م

المعلومة، هي إيه؟ هي عملية إسناد محمول لـ موضوع. يعني إيه؟ يعني فيه موضوع: شخص/ حيوان/ شيء/ فكرة/... إلخ، بـ نسند له حاجة، الحاجة دي إما وصف وإما فعل. خلينا نقول مثلا إنه الموضوع: "الولد"، بـ نقول: الولد طويل/ قصير/ مصري/ شجاع/.. أو الولد أكل/ شرب/ نام أو بـ ياكل/ بـ يشرب/ بـ ينام أو هـ ياكل/ هـ يشرب/

مؤمن المحمدي

المعلومات

الجمعة 13/08/2021 01:52 م

"كوبنهاجن عاصمة الدنمارك"دي معلومة صح؟ صح إيه اللي خلاها معلومة؟ في الواقع، أي جملة خبرية هي معلومة، خبرية يعني مش لـ غرض بلاغي مخصوص زي الاستفهام والطلب، فـ بذلك: "البنت جميلة" معلومة، "المعادن تتمدد بالحرارة وتنكمش بالبرودة" معلومة، "ولد عاصي الرحباني في 4 مايو 1923" معلومة، "فتحي رجع من الشغل تعبان"

مؤمن المحمدي

الجنرال جمال عبد الناصر

الأربعاء 11/08/2021 01:13 م

مش موافق خالص خالص، على الميمز المنتشرة، اللي بـ تسخر من جمال عبد الناصربـ اعتباره عسكريا مهزوما، خسر كل الحروب التي خاضهابـ جد والله. أصلها بـ تصوره يعنيوكـ إنه "جنرال حرب"بـ غض البصر عن نتايج معاركه، بينما ما أراه، إنه ناصر لم يكن عسكريا بـ المرة، كما إنه لم يخض حروبا من الأصل. هو كان راجل سياسي تشوفه

مؤمن المحمدي

3 ديسمبر 1921

الثلاثاء 10/08/2021 02:24 م

بعد المشاركة في أوليمبياد 1920، بدأ نشاط بـ لا توقف في سبيل تأسيس "الاتحاد المصري لكرة القدم"، استغرق النشاط دا سنة 1921 كاملة، علشان إعداد النظام واللوايح والعلاقة بين الاتحاد والأندية، وشكل البطولة، وكان فيه ناس كتير شغالين على هذا الملف. نفس الوقت دا اللي كان فيه سيد درويش بـ يغني: قوم يا مصري، وأنا

مؤمن المحمدي

العدل فى الميراث

الأحد 08/08/2021 04:26 م

يعني إيه مِلكية؟ ملكيةيعني ما يعطيك المجتمع/ الدولة الفرصة الكاملة في استخدامه بـ الطرق المشروعة. الشقة دي ملكك، يعني تقدر تعمل فيها ما بدا لك، طالما ما بدا لك دالا يخالف قانونا ما، زي إنك تتخذها مقر الـ تجارة المخدرات، إنما تقدر تبيعها، تؤجرها، تسكن فيها، يعيش فيها حد من ذويك، بـ اختصار: بتاعتك. أموال

مؤمن المحمدي

السعادة والراحة والذى منه

الأحد 01/08/2021 01:45 م

السعادة شعور، الراحة شعور تاني خالص، الرضا شعور تالت، الأمان شعور رابع. فيه كذا شعور تاني ممكن أضيفهمزي اللذة والتحقق والفرحة ... إلخ إلخ، لكن خلينا في إطار دول. ما أفكر فيه هو إنه الناس عادة، بـ تخلط بين هذه المشاعرالمختلفة والأهم من الخلط بينهاهو الافتراض بـ أن تحقيق واحد منها، يؤدي بـ الضرورة لـ

مؤمن المحمدي

تمصير الكورة

الجمعة 30/07/2021 04:48 م

ثم قامت الثورة، ثورة 19 طبعا، وكان كل سم في البلد بـ يفكر في موضوع الاستقلال، وإزاي مصر تستقل "الاستقلال التام أو الموت الزؤام"، وبقى فيه رغبة لـ تمصير كل حاجة في البلد، ومنها كرة القدم. تزعم موضوع تمصير الكرة المصرية (تمصير والمصرية) تلاتة: أحمد لطفي وإبراهيم علام وحسين حجازي، وعملوا اتصالات أثمرت

مؤمن المحمدي

من مجاميعه

الأربعاء 28/07/2021 05:30 م

من الحاجات اللي عملتها الكاس السلطانية، في بدايات القرن العشرين، إنها رفعت درجة اهتمام المصريين بـ بطولة ما، مفيش بطولة قبلها تابعها قدر كبير من الجمهور، لـ درجة إنه مباريات الكاس دي، كانت بـ تحقق دخل كبير، والدخل دا كان بـ يساعد في حاجات كتير. خلينا نشوف مثلا الإيراد سنة 1932، وطريقة توزيعه، اللي وصلت

مؤمن المحمدي

الكأس السلطانية

الثلاثاء 27/07/2021 02:44 م

طيب، دلوقتي إحنا في العقد التاني من القرن العشرين، الاحتلال البريطاني مش حابب الاتحاد المختلط بتاع بولاناكي، ولا راضي عن بطولته، ومش مبسوط من الهوية الفرنسية له، ولا بـ اتصاله مع المجتمع الدولي، خصوصًا إنه حتى في أوروبا، إنجلترا بـ تعتبر نفسها حاجة، والباقيين على بعض حاجة تانية. كمان الأندية المصرية

مؤمن المحمدي

كاس حشمت

الأحد 25/07/2021 10:52 م

النادي الأهلي، في سنة 1914 كان له جمعية عمومية، وكانت الجمعية ليها رئيس، وكان الرئيس دا هو أحمد باشا حشمت ناظر المعارف، اللي قدم كاس لـ النادي، هو أقدم كاس مصرية، واتعرف بـ اسم "كاس حشمت". مين يفوز بـ هذا الكاس؟ ما كانش بين الأندية وبعضها، إنما كان بين طلبة المدارس العليا (الكليات حاليا)، كل مدرسة تكون

مؤمن المحمدي

أول بطولة فى مصر

السبت 24/07/2021 01:27 م

سنة 1913، في هذا الوقت المبكر من القرن العشرين، بدأت أول مسابقة أو بطولة لـ كرة القدم في بر مصر، يعني إحنا هنا نعرف المنافسات الكروية على نطاق رسمي من 108 سنة، ودا شيء يدعو لـ الفخر والإعجاب في الواقع. كما أنه يدعو لـ الحزن والأسى في الوقت نفسه. صحيح أول مسابقة دي وراها حاجات كتير تتقال، إنما في النهاية،

مؤمن المحمدي

الاتحاد المختلط

الأحد 18/07/2021 11:21 ص

في الكام سنة الأولى من القرن العشرين، حصلت كذا حاجة محليا ودوليا، شفنا في مقالات سابقة محليا، انتشار اللعبة في أماكن كتير، وبدء تكوين مظلات لـ اللعبة، المظلات دي كان منها الأندية، اللي الأغلبية الساحقة منها كان لـ الأجانب، والأهلي كان لـ المصريين. أما دوليا، فـ نقدر نتكلم عن رسوخ فكرة الاتحادات، وانتظام

مؤمن المحمدي

أهلي وزمالك

الجمعة 16/07/2021 02:10 م

اتكلمنا في المقالات اللي فاتت عن تأسيس الأندية الأقدم، ثم تأسس النادي الأهلي، كان أول لـ المصريين، وأقدم نادي مازال محتفظ بـ اسمه وهيئته وطبيعته، من يوم تأسيسه 1907 حتى يومنا هذا، ودا كلام يتفق مع ما ذكره الأساتذة الكبار في أكتر من مناسبة. مش هـ أستفيض في تتبع تأسيس النادي، بس هـ أنقل كلمات عبد الخالق

مؤمن المحمدي

الأقدم

الثلاثاء 13/07/2021 02:33 م

لما كنا صغيرين، اتربينا على المعلومة دي: نادي السكة الحديد هو أقدم الأندية في مصر والشرق الأوسط، حيث تأسس 1903 سابقا كل الأندية الجماهيرية إلخ إلخ. إنما لما ندقق في الكلام دا نكتشف إنه مش صحيح على أي نحو من الأنحاء، يعني إحنا شفنا المقال اللي فات إنه نادي "سكارابيه" أقدم منه، اللي هو بقى بورفؤاد، ولو

مؤمن المحمدي

الخنفسا

الأحد 11/07/2021 10:38 ص

الأندية، هي المظلة اللي تحتها بـ تتلعب كرة القدم، الأندية سبقت المنتخبات الوطنية، مش بس، لأ، في العالم أجمع، والانتماء الأساسي في الكورة بـ يكون لها، حتى قبل المنتخبات. مش مفهوم خالص، ليه الجمهور دا بـ يشجع النادي دا، أحيانا بـ يبقى فيه سبب جغرافي، لكنه غير كافي وغير حاسم، أحيانا بـ يكون فيه أسباب تانية،

مؤمن المحمدي

تذر العلوم وتأخذ الفوتبولا

الأربعاء 07/07/2021 11:17 م

المدارس، كانت أقدم مظلة لعب تحتها كرة قدم منتظمة في مصر، لـ إنه بعد تلات سنين، من قرار ناظر المعارف، بـ إنه التربية الرياضية تبقى مادة أساسية اتلعبت مباراة محمد أفندي ناشد، فـ في السنة اللي بعدها على طول، يعني سنة 1896، بدأت المدارس تلعب كورة، من غير تكوين فرق معينة. لكن طبعًا ممارسة نشاط كرة القدم

مؤمن المحمدي

تحت ظلال السرسجية

السبت 03/07/2021 10:52 م

في البدايات، كانت الكورة في مصر بـ تتلعب في الساحات والشوارع وما شابه ذلك من مساحات، دون أي مظلة رسمية، كان بـ يخلي الماتشات واللاعبين والجمهور، عرضة لـ حاجات كتير بطالة، خلينا ناخد جانب منها. أول حاجة التحكيم، الحكم عنصر أساسي في اللعبة، حتى لو إحنا شايفينه بديهي دلوقتي، إنما في البداية اكتشفوا أهميته

مؤمن المحمدي

في حتة ناشفة

الأربعاء 30/06/2021 06:37 م

الممثل مش شغلته خالص خالص إنه ينقل انفعالات أو يوصل مشاعر، أو يعمل ري أكشنز، أو أي من هاتيك الأشياء. هو طبعا لازم يعمل كل دا، بس في إطار شغلانته الأساسية، وهي تجسيد شخصية "س" من الناس، الشخصية دي ليها أبعاد وسمات، ودوافع وعموما تركيبة. ممكن جدا أبقى بـ ألعب دور، لـ شخص متحجر المشاعر، فـ يبقى ساعتها

مؤمن المحمدي

البنت "حرة"

الأحد 27/06/2021 01:55 م

في بلدنا، كنت بـ أسمع غنوة أفراح، بـ تقول إيه: "إحنا الصعايدة أكّالين المحشي/ البت حرة والولد فواحشي"، مش عارف إيه علاقة المحشي بـ الموضوع، ربما عشان القافية فقط، إنما الواضح إنها غنوة فخر. الفخر دا مصدره إنه البنت عندنا "حُرة"، بينما الولد "فواحشي"، يعني إيه "حُرة"؟ يعني مقيدة أخلاقيا، ملتزمة بـ نمط

مؤمن المحمدي

عنترة بن برشلونة

الجمعة 25/06/2021 03:48 م

كرة القدم سلعة، دا كلام مفروغ منه طبعا. وأي سلعة بـ تاخد رحلة طويلة ومعقدة، عشان توصل من منبعها، لـ حد مستهلكها الأخير، حتى رغيف العيش، اللي حضرتك بـ تجيبه من الفرن دا، قصته مش بسيطة. من أول حبة القمح ما تبقى بذرة، لـ حد القطمة ع السفرة، فيه مواضيع وحواديت وزراعة ومعدات، ومطاحن ووقود، ووسائل نقل، وفلاحين

مؤمن المحمدي

القمة رقم كام؟

الأربعاء 23/06/2021 04:15 م

سؤال بسيط: هي دي القمة رقم كام؟ بس الإجابة مش بسيطة، أصلك بـ تتكلم عن القمة نهين؟ هـ تحسب إيه وما تحسبش إيه؟ إحنا عارفين إنه فيه ماتشات عليها نوش، فـ حسب طريقتك وفكرك، وفعلا فعلا، مفيش طريقة بسيطة نقول بيها، دا اللقاء رقم كام، أو حتى رقم كام بـ شكل رسمي؟ ورقم كام إجمالي، وخلينا نشوف الماتشات اللي عليهم

مؤمن المحمدي

وأنا أمشى عليه

الأحد 20/06/2021 02:39 م

"يا حلو قول لي على طبعكوأنا أمشي عليه"، دا مطلع موال شعبي غنته بدرية السيد (بدارة)، واشتهر في إسكندرية جدا، ويمكن في مصر كلها. لـ الوهلة الأولى كدا، يبدو المتكلم هنا/ قائل الموال، شخص تابع خاضع مستكين مستسلم. اللي هو قابل وموافق أي حاجة تيجي من المستمع/ المحبوب، ومستعد إنه يمشي وراه، في أي طريق كانت.

مؤمن المحمدي

الكواليتى والمردود

السبت 19/06/2021 12:38 م

في عالم كرة القدم، الناس بـ تفترض الكواليتي بناء على المردود، إنما دول حاجتين غير بعض خالص، ومش مرتبطين بـ بعض أوي. هو إيه "الكواليتي"؟ الكواليتي = الجودة، وهي لا تعني حاجة محددة، إنما حاصل حاجات كتير، الحاجات الكتير ديبدنية وفنية وذهنية. الكواليتي مش الحرفنة، مش امتلاك المهارات، لاسيما الفردية منها،

مؤمن المحمدي

النيل ما جاشي

الخميس 17/06/2021 06:50 م

كانت سنة صعبة، أصلك النيل لما ينقص، قول ع البلد دي يا رحمن يا رحيم. الشغل الشاغل كان عن النيل، اللي منسوبه انخفض، بقى 6 أذرع و15 قيراط، بعد ما كان في السنة اللي قبلها 11 ذراع و21 قيراط، يعني تقدر تقول إنه خس النص. انخفاض مستوى النيل دا، يعني تبوير الأراضي، يعني فيه مناطق كتير ما قدرتش تروي حتى خمس

مؤمن المحمدي

العدل

السبت 12/06/2021 04:53 م

مفيش نظام عادل ونظام ظالم، تاني مفيش نظام عادل ونظام ظالم، مش قصدي "بـ شكل مطلق"، لأ، مفيش خالص لا مطلق ولا نسبي. هو أساسا مفيش حاجة اسمها "العدل". الكلمات اللي زي دي هي مجرد محاولات من البشرلـ منح التفاعلات التي تحدث فعلا مكسبات طعم ولون ورائحة بـ نكهة "الأخلاق"، لكنها محاولات إجرائية، وغالبا كمان

مؤمن المحمدي

ميجا هاتريك

الجمعة 11/06/2021 03:16 م

ما تيجي نتكلم شوية عن اللاعبين اللي سجلوا 5 أهداف (أو أكتر) في ماتش واحد، عبر تاريخ الدوري العام، بـ شيء من التفصيل: أولا، 7 أهداف في ماتش واحد، مفيش خلاف على إنه لاعب واحد، ولا إنها مرة واحدة، في ماتش واحد، لا فيه خلاف على اللاعب، ولا على إنه الوحيد، كلنا طبعا عارفينه. دا كان صالح سليم في مرمى الإسماعيلي

مؤمن المحمدي

لا مفر

الثلاثاء 08/06/2021 03:59 م

صديقي، لما قلت له فكرتي، إنه مفيش حاجة اسمها حق ومستحق، والحياة معارك، وكل واحد بـ يحصل على "اللي يقدر عليه" قال لي: في نقطة الحق، هـ أضرب مثال: لو أنا بـ أشتغل في مكان، والمفروض في ترقية بنسعي ليها أنا وأقراني، المفروض إن الترقية دي تعتبر معركة، ومحتاجة أسلحة زي مثلا إني آخد كورس وأطور مهارة معينة،