غنوة فراق
هات فرحتك على فرحتى
وتعال نثبت للزمن إننا عشنا
كفاية
وكمان شبعنا
وإن اللى جاى مالوش معنى
وكل شىء وله نهاية
كل واحد مننا حب بطريقته
كل واحد شاف حقيقته
تعال نحسب اللى كان بكل فرحة
كل اللى اديته واستحملته
كل العيوب كل المزايا
غلطت مرة.. كان قصادها ألف غلطة منك
خنت مرة افتكر لى إنى سامحتك
بعتنى فى حكايات صحابك
وأنا كمان شوهت صورتك
ما أنا إنسان مليان خطايا
خد حنانك وهات قصاده ضحكتى
سايب أمانك طب ما أنت واخد رحمتى
وهى يعنى مش كفاية
بلاش نحاسب بعضنا بالورقة والقلم
ماعادش باقى من العتاب إلا الندم
وشوية عشرة واكلها الهم
وليل بيلضم فى الفراق
واشمعنى إحنا مش قابلين نهاية
مع إنها جيه جيه
