تعرف على أبرز تحضيرات تصوير الأفلام العالمية على أرض مصر

كشف أحمد سامي، مدير عام لجنة مصر للأفلام، عن التحضير لتصوير الأفلام العالمية على أرض مصر.

وقال سامي، خلال لقاء لبرنامج "الستات مايعرفوش يكدبوا" المُذاع على "cbc" إن مصر لديها الخبرة والعمالة الفنية المدربة وأماكن تصوير متنوعة، إضافة إلى خدمات لوجيستية.

وأضاف: "على سبيل المثال لو شركة إنتاج أجنبية عاوزة تصور في سيوة أو الواحات، لازم تعرف الطريق الممهد يمشي لحد فيه وأقرب مستشفى إيه للمكان والفنادق اللي هيقعدوا فيها، عاوزين يعرفوا تفاصيل التفاصيل لأن كل ده بيفرق في دخول المعدات".

تابع "من ضمن الحاجات التي نقدمها لشركات الإنتاج بنطلع معاهم مرافقة أمنية من وزارة الدخلية، ويساعدونا جدًا في النجاح، لازم يبقى فيه عربيات حماية مدنية موجودة في أي لوكيشن تصوير وسيارات إسعاف وكل دي حاجات تفرق مع الأجنبي بشكل كبير".