الرئيس السيسى: "الدولة تحتاج من تريليون إلى 2 تريليون دولار فى السنة صرف"
قال الرئيس عبدالفتاح السيسي، إن كل شيء متصل بالرقمنة والاتصالات ونظم المعلومات وهذا هو الجديد والمستقبل بدون شك، موجهًا حديثه للطلاب قائلًا: "بدون شك لو إنت التعليم بتاعك في مصر قدرت تخليه مستوى تعليم كويس لما يتخرجوا أجيال على مدار 15 سنة هينقل الدولة دي مكان تاني".
وأضاف الرئيس السيسي، اليوم خلال كلمته في مقر أكاديمية الشرطة، نقلتها قناة "إكسترا نيوز": "أنا بتكلم بمنتهى الشفافية والصراحة الدولة دي عايزة على الأقل من تريليون إلى 2 تريليون دولار في السنة صرف، يعني 50 تريليون جنيه عشان تصرف تدي تعليم وتدي صحة ودفاع وداخلية واستثمار، إنت موازنتك كلها كام" متابعًا: "الدولة المصرية الناتج المحلي بتاعها 18 تريليون جنيه، وإنت بتقول عايز لدولة زي مصر فيها 120 مليون نسمة 50 تريليون، نص المبلغ ده بيدفع للبنوك فوائد للدين الداخلي".
واستكمل: "أنا بقولها بمنتهى الصراحة للناس في مصر، الكلام اللي قولته في أول يوم من 2013 لما سألوني قلتلهم إحنا ملناش غير العمل والصبر، فلازم نفكر بأفكار تحل مسائل".
