فيديو "الطبيب المتحرش" يشعل السوشيال ميديا.. مطالبات بشطبه من النقابة
انهالت التعليقات عبر منصة «إكس» على فيديوهات تم نشرها بواسطة صفحة «اتكلمي» التي تهتم بحقوق السيدات اللاتي تعرضن للتحرش ودعمهن نفسيًا وقانونيًا، تخص فيه طبيب يُدعى "محمود حلمي" وهو خريج طب بنين جامعة الأزهر بالقاهرة، خلال تحرشه بعدد من الفتيات بصحبة زملائه.
هذه الفيديوهات انتشرت وأثارت الجدل عبر المنصة وانهالت التعليقات التي تدين هذا الأمر، بالإضافة إلى مطالبتهم بتحويل الأمر للنيابة العامة وليس فقط نقابة الأطباء.
الفيديوهات أصبحت عديدة عبر المنصة، والكثير ينهالون بشكل أكبر بالتعليقات ونشر فيديوهات أخرى توثق تحرشه بالألفاظ، ووصل الأمر لانتشار تسجيلات صوتيه تدينه وتؤكد تحرشه بالمرضى.
فيما قدمت صفحة "اتكلمي - SPEAK UP" بلاغًا لنقابة الأطباء ونص البوست: “الشخص اللي ظاهر في الفيديو: طبيب بشري اسمه محمود حلمي، وخريج طب بنين جامعة الأزهر بالقاهرة. دكتور محمود طلع على تويتر من كام يوم يتكلم مع صاحبه على أنه بيتحـ.ـرش بالمرضى، وكان بيقول أن إعْتصـــاب القاصـرات بيثــيره (الكلام ده هو نشره بنفسه وشاله لما الناس بدأت تشاركه) ده غير الفيديو ده اللي ظاهر فيه الدكتور مع صحابه (هو اللي ناشره بنفسه برده) وهو بيتحـ.ــرش ببنـــات في الشارع وبيشتـــموهم. الشخص ده إزاي يكون أمين على مرضى؟!! ولو ده اللي هو بينشره بنفسه على العام إيه اللي ممكن يعمله لو فيه مريضه عنده وواخده بنج أو مش في وعيها؟ بنتمنى يحصل تدخل عاجل من النقابة قبل ما الشخص ده يعمل كارثة”.
وعلق الدكتور إبراهيم الزيات، عضو مجلس النقابة العامة للأطباء، وشارك التعليق الصفحة ذاتها أنه سيتم استدعاء كافة الأطباء المتواجدين بالفيديو اللى تداوله رواد السيوشيال ميديا أمس، وسيتم التحقيق معاهم وفي حالة ثبوت إدانـتهم سيتم اتخاذ الإجـراءات القانـونية ضدهم.. مستنيين نتيجة التحقيقـات والإجراءات اللي هتتاخد مع الدكـاترة دي، وشكرًا للي نشروا الفيديو والتسجيلات وساعدوا في حماية آلاف المرضى
فيما قال البعض من رواد منصة «إكس »: "أحسن حاجة تتعمل أنهم يمنعوه من مزاولة المهنة ويتسجن»، فيما رأى الآخر: « ده لازم يتسلم للنيابة العامة»، وأخرى «مع احترامي ده شغل النيابة مش النقابة ده جريمة انتهاك أعراض المريضات والتحرش بهن خلال العلاج».
