محمد جبر: المصارعة مثل الإدمان.. ووالدى كان بطلا

قال محمد جبر، بطل مصر في المصارعة الرومانية، إن والده كان بطلًا ومثل مصر في العديد من البطولات.

وأضاف "جبر" خلال لقائه في احتفالية مهرجان العلمين ومجلس إدارة الشركة المتحدة بأبطال مصر في أولمبياد باريس 2024 عبر "ON": "أعمامي أيضًا كانوا أبطال في المصارعة، وحبيت المصارعة وبدأت اتفرج على ماتشات، وشوفت كرم جابر في أوليمبياد أثينا وكان نفسي أكون زيه وأمثل مصر".

وتابع: "المشوار مش سهل طبعًا خالص، بدأت اللعبة وأنا عندي 14 سنة، وكنت بلعب ومليش هدف أوي، لكن بعد ما شوفت الأبطال الرياضيين كان نفسي أكون زيهم، كان نفسي الناس تكون عارفاني".

وأردف: "لعبة المصارعة إدمان لو مفيش تمرين تحس إن في حاجة ناقصة، بحمد ربنا كل يوم إني بلعب رياضة؛ لأنها تمنع ما يمنعه الدين".