هايدي موسى تكشف لـ"حد النجوم" طقوسها مع التمارين الصوتية (فيديو)
كشفت المطربة الشابة هايدي موسى عن طقوسها مع التمارين الصوتية وكيف تعمل على نفسها طوال الوقت.
وقالت موسى خلال لقائها ببرنامج "حد النجوم"، مع الإعلامية سارة حازم طه، المُذاع على قناة "أون": "طقوسي مختلفة تمامًا، أنا بصراحة مقصرة شوية في موضوع التمارين الصوتية والفوكاليز والحاجات دي".
وأضافت: "بحاول أعمل ده في البيت لكن مش بروح لحد متخصص يدربني، لكن دائمًا بشتغل على نفسي وبحب أتعلم وبحب الانتقاد".
هايدي موسى: نفسي اتعلم إسباني وممكن نقدم ميكس غنائي يجمع الثقافات
وتابعت: "الموضوع مش في الصوت بس لكن لازم الفنان يطور نفسه كل يوم من كل حاجة لحد الشكل والأستايل والكلام مع الناس واللغة، وفعلًا الحاجة اللي بعملها دلوقتي إن بطور كل حاجة فيا".
وأردفت: "اقرأ بشكل أكبر وأحاول تعلم لغة جديدة ده التطور اللي بحاول أعمله طول الوقت"، مشيرة إلى أنها تتمنى تعلم اللغة الإسبانية.
واستكملت: "بسمع مزيكا كتير زي المزيكا اليوناني والتركي والإسباني، وممكن نقدم أشكال مزيكا متطورة وفيها ميكس بين الثقافات وتقدم بشكل جديد".
ويُقام مهرجان العلمين في نسخته الثانية في مدينة العلمين الجديدة، وسط فعاليات مختلفة تناسب جميع الفئات العمرية، وتشهد فعاليات المهرجان إقبالًا كبيرًا من الجمهور سواء من المصريين أو العرب والأجانب.
