محمد الباز: مفيش أزمة تقدر علينا.. وهذا سر بقاء المصريين
قال الإعلامي الدكتور محمد الباز، رئيس مجلسي إدارة وتحرير جريدة "الدستور" إن سر بقاء الشعب المصري هو الشعب المصري نفسه وأدائه، متابعًا: "مفيش أزمة تقدر علينا".
وأضاف "الباز" خلال تقديم برنامج "مش حسبة برمة" عبر إذاعة "نغم إف إم": "لا توجد أزمة تظل إلى الأبد، مفيش مشكلة تظل حتى نهاية الحياة، كل حاجة لها دورة زمنية تأخذها وتنتهي".
الأوضاع تتغير
وتابع: "الأوضاع في مصر تغيرت بعض الشيء على المستويين السياسي والاقتصادي فيما يتعلق بالأسعار، صحيح المشكلة لم تنته بشكل كامل، لكن هناك ما يمكن تسميته بانفراجات ملحوظة، محتاجين إننا نحميها ونأخذ بالنا إن محدش يتعامل إن الأمور كما هي".
واستكمل: "هناك استثمارات دخلت البلد وهذا يؤثر على الأسعار، في ناس مش عاوزة الأسعار تقل، وفي ناس متحكمة في السوق، المصريين عاوزين ستر ربنا ولما نترجم ده نجده يعكس ما جاء في القرآن الكريم (وأطعمهم من جوع وآمنهم من خوف)".
وأردف: "لو احتياجاتك الأساسية موجودة تقدر تكمل بشكل مستقر، الناس في مصر مش طماعة، تطمح لكن لا تطمع، كل واحد فينا يحلم أن يكون الأفضل في مجاله، المصريين مش شعب طماع، والرضا بما قسمه الله سمة تميز المصريين وتحميهم من الانقراض، إحنا مش شعب طايش إحنا شعب بيحسبها كويس ويعرف الخطر فين ويعرف إيه المطلوب منه ويفعله".
