بيومي فؤاد: "إحنا بتوع فلوس.. وطلبت مقابلش محمد سلام فى كواليس الكبير 8"
كشف الفنان بيومي فؤاد تفاصيل دفاعه عن محمد أنور بسبب فيديو محمد سلام والحالة النفسية الذي تعرض لها بعد أزمة المسرحية، حيث تعرض بيومي وسلام لهجوم شرس من الجمهور المصري؛ بسبب حرصهما على استكمال مسرحية كوميدية في السعودية رغم قسوة المشاهد في فلسطين.
أزمة محمد سلام وبيومي فؤاد
قال بيومي، خلال لقائه ببرنامج "حبر سري" مع الإعلامية أسما إبراهيم، المذاع عبر فضائية القاهرة والناس: "أنا كبير محمد سلام وأنا المرجع بتاعه وكلمته لما اعتذر عن المسرحية وقاللي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفي ناس كتير بيوتهم مفتوحة من الحاجات دي».
أزمة بيومي فؤاد
أضاف: "طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش.. وهو اتسبب في اللي حصل لـ محمد أنور ومطلعش دافع عنه، وأنا كنت محروق على أنور واللي شتمني هنتقابل في المحاكم ومش هشتم حد.. وعشت أصعب 5 أيام في حياتي كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا، وأنا فرحان إني عيطت.. وإحنا بتوع فلوس.. شالوا جملة أنا فنان مصري وليا الشرف.. بكرة هيبان الحق أي دفاع عن نفسي هيكون إدانة لـ محمد سلام».
