اعترافات المدرس المتهم بقتل طالب وتقطيعه إلى أجزاء فى الدقهلية

أدلى مدرس الفيزياء المتهم بقتل طالب وتقطيعه إلى عدة أجزاء في محافظة الدقهلية، باعترافات تفصيلية في تحقيقات النيابة العامة والباعث من ارتكابه الواقعة وكيفية تخلصه من الجثة وكشف عن سبب تقطيع الجثة بدلًا من التخلص منها مرة واحدة. وفيما يلي بعض من أسئلة النيابة العامة وإجابات المتهم عليها حسب نص التحقيقات. 

تفاصيل التحقيق 

س: ما هي الكيفية التي استخدمتها في التخلص من جثة المجني عليه إيهاب أشرف عبد العزيز عبد الوهاب عقب إجهازك عليه؟

ج: أنا لما اتأكدت إن هو مات بدأت أقطع الهدوم بتاعته؛ لأن لقيت حجمه كبير، وقررت أقطع الجثمان واستخدمت نفس السكينة اللي قتلته بيها، وبدأت أقطعه من الجانبين بشكل دائري.

س: وما هو وصف الملابس التي كنت ترتديها حال ارتكابك الواقعة؟ 
ج: أنا كنت لابس بنطلون جينز بيج وسويت شيرت رصاصي فاتح × رصاصي غامق وكوتشي أسود كان معايا شنطة فيها اللاب توب والدراعات.

س: وهل من ثمة آثار دماء المجني عليه / إيهاب أشرف عبد العزيز عبد الوهاب لطخت بها ملابسك حال ارتكابك الواقعة آنذاك؟ 
ج: أيوه فيه دم جه على البنطلون الجينز على الرجل اليمين أعلى الركبة والكوتشي بتاعي جه عليه دم من جانب وأسفل النعل والكم بتاع السويت شيرت من ناحية الشمال جه عليه نقط دم. 
س: وما الذي بدر منك حيال تلك الدماء التي طالت ملابسك آنذاك؟ 
ج: كان فيه إزازة مياه مسحت بيها البنطلون والسويت شيرت والكوتشي لما مشيت بعد كده في الشارع جه عليه تراب واتمسح. 

س: وما التصرف الذي بدر منك عقب إجهازك على المجني عليه إيهاب أشرف عبد العزيز عبد الوهاب وتثبتك من إزهاق روحه؟
ج: هو لما كان واقع على الأرض في الأوضة أسفل السبورة كان ظهره للسبورة ووشه ناحية الحجرة وكان على جانبه، فأنا سيبته على جنبه وبدأت أن أنا أفصل جسمه علشان أقدر أحطه في الشكاير وفي الكرتونة اللي أنا كنت عارف إن هما موجودين في الأوضة، وكنت ناوي إن أنا استخدمهم في إخفاء الجثمان.

س: وبأي يد قمت بالتعدي على المجني عليه سالف الذكر آنذاك؟ 

ج: أنا كنت واقف في ظهره وحاطط إيدي اليمين على بوقه وبإيدي الشمال بالسكينة ضربتين، واحدة في رقبته والثانية في بطنه ولما وقع على الأرض وكان لسه فيه النفس أنا ضربته ضربتين بركبتي.

س: وهل حاول المجني عليه إيهاب أشرف عبد العزيز عبد الوهاب مقاومتك أو الاستغاثة آنذاك؟

ج: هو حاول يزق إيدي من على بوقه، بس أنا كنت ماسكة جامد، وحاول يحوش السكينة وأنا بضربه في بطنه، بس هي جت على إيده اليمين عورته بجرح، ولما وقع على الأرض وإيدي فلتت، بوقه قعد يستغيث ويقول إلحقوني، وساعتها أنا نزلت عليه بركبتي مرتين لحد ما قطع النفس.

س: وهل استجاب أي من الأشخاص آنذاك لاستغاثة المجني عليه سالف الذكر؟
ج: لا هو كان بيقول إلحقوني بصوت متوسط مش عالي أوي، وأنا كنت قافل الباب علينا من جوه، وعشان يفتح من بره لازم يكون فيه مفتاح. 

س: وما هو وصف العقار والعين محل الواقعة تحديدًا؟ 
ج: هي أوضة في دور أرضي في عمارة سكنية بيت الحاج منصور الشراكي مساحتها حوالي 3.5×7 ليها بابين، باب في منتصف الحجرة خشب وباب مقابل ليها في الجهة الثانية جراج بس هو مقفول بباب صاج وعليه قفلين من فترة طويلة وعلى يمين الداخل من الباب الخشب بنهاية الحجرة يمين الداخل مكتب خاص بي وسبورة وعدد من المقاعد الخشبية في باقي الحجرة تستخدم للطلاب.

س: وهل الوحدات السكنية الكائنة بالعقار محل الواقعة يقطنها ثمة أشخاص إبان ارتكابك الواقعة؟ 
ج: المكان كله فيه ناس ساكنة من الأهالي بس مفيش حد سمع أو حس بحاجة.
س: ثبت من مناظرة النيابة العامة للجزء العلوي من الجثمان دون رأس من جثمان المجني علـى إيهاب أشرف عبد العزيز عبد الوهاب وجود قطع طولي بالظهر أسفل الكتف من الناحية اليمنى الخلف بالقرب من مفصل الذراع اليمنى، فمن أحدث ذلك الجرح الإصابي؟

ج: أنا اللي عملته. 

س: وهل كنت تعتقد أن المجني عليه/ إيهاب أشرف عبد العزيز عبد الوهاب سيجيب بالموافقة على طلبك آنذاك؟ 

ج: أيوه؛ لأن أنا عارف إيهاب من فترة وبيننا هزار مع بعض وبنلعب بلايستيشن مع بعض. 

س: وما هي كيفية ارتكابك الواقعة تحديدًا؟

ج: أنا بعد ما أقنعت إيهاب إن أنا ممكن أحط السكينة على رقبته علشان نعمل فيديو فيه خدعة مونتاج هو سابلي نفسه وقال خلي السكينة بظهرها لأحسن تعورني، وساعتها أنا مسكت بوقه بإيدي اليمين وجبت رأسه على الجنب وخبطته خبطة جامدة في رقبته، يعتبر إن نصف السكينة دخل في رقبته، وساعتها هو جسمه ساب شوية، وحاول يستجمع قوته ويعافر وبعد كده إيديه راحت سايبة وأنا ماسكه، وبعدها لقيته بدأ يثبت ويقاوم أكثر فطعنته ببروز السكينة في بطنه من الناحية الشمال جنب السرة، فهو إيده اليمين اتعورت وأنا بخبطه بالسكينة وبعدها وقع على الأرض بس كان لسه فيه الروح؛ لأن هو قدر يزق إيديا من على بقه وكان يحاول يقول إلحقوني، بس صوته مكنش عالي أوي، فأنا خوفت إن حد يسمعه وإن حد يكشفني؛ فقمت خابط ركبتي في دماغه خبطتين وهو واقع على الأرض وبعد الخبطة دي هو ساب خالص وما اتحركش تأني.
س: وما هو موقفك بالنسبة للمجني عليه إيهاب أشرف عبد العزيز عبد الوهاب بعدا ومستوى؟
ج: أنا كنت واقف في ظهره وماسك بقه من الخلف بإيدي اليمين وماسك السكينة بإيدي الشمال علشان أنا أشول.  
س: وما هو عدد الضربات التي كلتها للمجني عليه/ إيهاب أشرف عبد العزيز عبد الوهاب وطبيعتها وأين استقرت تحديدا؟  
ج: أنا ضربته ضربة بالسكينة في رقبته من الناحية الشمال ببروز السكينة دخلت نصها في رقبته وضربة ثانية كانت في بطنه من الناحية الشمال، وأنا غرزت السكينة تقريبا كلها وأنا بضربة بالسكينة في بطنه وإيده اليمين اتعورت ما بين صابعين الإبهام والسبابة عشان هو كان يحاول يحوش السكينة. 

س: وما هي بادرة لقائك بالمجني عليه إيهاب أشرف عبد العزيز عبد الوهاب يوم ارتكابك الواقعة محل التحقيق؟  

ج: هو كان بياخد عندي درس فيزياء مع طالبتين ندى محمد ونهى محمد، وبعد ما خلص درس الفيزياء الساعة 6.20 مساء، طلب مني أن أشرح له درس كيمياء، فشرحت له بسرعة، وقعدنا نلعب بلايستيشن وفي الفترة دي أنا كنت بفكر إزاي أخلص منه، فكنت بحاول أطول في اللعب لحد ما والدته اتصلت بيه مرتين، مرة ما بين درس الفيزياء ودرس والكيمياء، والمرة الثانية كانت بتشوفه هو فين وبتستعجله عشان يروح، فساعتها لما قام يروح طلبت منه إن هو يصور معايا مقطع فيديو بتليفوني فيه خدعة مونتاج من اللي بتستخدم في أفلام السينما والمسلسلات.

 س: وما الباعث على ارتكابك تلك الجريمة بقتلك المجني عليه إيهاب أشرف عبد العزيز عبد الوهاب؟  
ج: أنا كنت بمر بضائقة مالية بسبب إن أنا ضيعت فلوسي في تطبيق مراهنات اسمه One XBET وكنت سالف فلوس من جماعة قرايبي، وكنت مفهمهم إن أنا بشغل فلوسهم في تجارة الموبايلات مع واحد صاحبي مقابل أرباح أعلى من أرباح البنوك، بس الحقيقة أنا كنت براهن بيهم في التطبيق ده، وخسرت الفلوس دي وخسرت الفلوس اللي أنا كنت محوشها، وكان فيه ناس زي ابن خالي حسان عبد الحميد حسان له فلوس مستحقة في شهر يناير 2024 وبقية الناس فلوسهم في أغسطس، وأنا لما حسبتها لقيت إن أنا مش هقدر أوفي بالفلوس دي، فقررت إن أنا أخطف وأقتل وأطلب فدية علشان أسدد ديوني، وأبدأ من جديد بعد ما حذفت تطبيق المراهنات ده لحد ما استقريت على إن أنا أقتل إيهاب.  

س: وما هي جملة المبالغ التي قمت بالتحصل عليها من أقاربك وذويك آنذاك؟ 

ج: أنا أخذت مبالغ على فترات متقطعة من عمي/ الراقي عبد الواحد الطحاوي تقريبا حوالي 140 ألف جنيه تقريبا على فترات، ومن ابن خالي حسان عبد الحميد حسان مبلغ حوالي 15 ألف جنيه، ومن مرات عمي راقي اسمها فاطمة مبلغ 36 ألف جنيه تقريبا ومن ابنها باسم راقي مبلغ حوالي 22 ألفا.