السيسى: ميناء العين السخنة تكلف 40 مليار جنيه.. رجل أعمال ممكن يعمله؟
قال الرئيس عبدالفتاح السيسي، إن القطاع الخاص ادّعى غياب إتاحة فرص الاستثمار أمامه، مضيفًا: «يقول البعض مش سايبين فرصة لينا، وحد بينافسنا"، متسائلًا: "لما إنت بتقول كده هل إنت كده بتعمل فرصة جاذبة لاستثمارات أجنبية؟، إذا إنت قلت مفيش فرصة هييجي رجل أعمال من الخارج إزاي؟".
وأضاف، خلال كلمته في ختام فعاليات المؤتمر الافتصادي: "ميناء العين السخنة، جيبت كامل الوزير قلتله يتعمل كله بكام، قالي عاوز 40 أو 50 مليار جنيه فقلتله نعمله".
وتابع: "هل في رجل أعمال مستعد يدفع 40 مليار جنيه عشان يعمل الميناء؟، إحنا عملنا الموانئ عشان نكون دولة قادرة على تلبية متطلبات التجارة العالمية".
وأردف: "كلمت كامل الوزير في إننا نعمل محور تعمير إسكندرية، وقلتله يتكلف كام، فقال أعمله في 3 سنين، والتكلفة 15 مليار ويتعمل 5 حارات، فأنا قلت للجيش أنا عاوز أعمله 8 حارات ويتسلم في سنة ونص".
