عن جراءة ملابس ابنته سارة.. أحمد سلامة: «قولتلها متعملش كده»
قال الفنان أحمد سلامة، إنه لم يتعرض طوال حياته لأي نقد، ولكنه تعرض للهجوم بسبب ملابس ابنته سارة، مشيرا إلى أنه يناقش ابنته في ملابسها كأب شرقي.
وأضاف، خلال لقائه ببرنامج "آخر النهار" مع الإعلامية راغدة شلهوب، على قناة "النهار"، أنه لم يحدث خلاف بينهما بسبب الصور، ولكنه قال لها "متعمليش كدة".
وتابع أحمد سلامة: "للأسف عشان تسيطري على هذا الجيل، مسألة قاتلة وصعبة جدا، لأن السوشيال ميديا بيربي معانا، ودلوقتى هذا الجهاز الصغير (التليفون) جعل أفكار الشباب منفتحة بشكل كبير، والشباب شايف كل حاجة عادي، وأنا متربي في السيدة زينب وبطريقة مختلفة طبيعي أقول بلاش كدة".
وأكد أن الأفكار الغربية لا تناسب مجتمعنا الشرقي، مواصلا: "قلت لسارة ده عادي ده برة مش هنا، واحنا مجتمع شرقي ومينفعش نتخطاه، وعشان أقنعها حصل ضغط كبير جدا وهي وعدتني بألا تتخطى حدود المسموح".
وأردف: "سارة طلعت في مسلسل ابن حلال لابسة شورت، وده كان أول عمل ليها، وكانت بعمر 18 سنة، وكان في استايلست قالتلها تلبسي كده وهي مرفضتش لأن معندهاش خبرة".
