«اكتشاف 13 موهبة وتقرير عن الحفل».. تامر حسني يكشف كواليس «حفل الإسكندرية»

علق الفنان تامر حسني، على حفله الغنائي أمس بمحافظة الإسكندرية، معربا عن سعادته لحضور جمهور عريض بالحفل.

وكتب عبر حسابه الرسمي بموقع التواصل الاجتماعي، "فيسبوك": "في إسكندرية إمبارح مكانتش حفلة كان حدث مش عادي بجد عيني مكانتش عارفة تجيب آخر الجمهور.. حضوركم الكريم ده هفضل فخور بيه طول عمري، اتشرفت بتقديمي لـ 13 موهبة مصرية من مختلف محافظات مصر وفعلاً كسروا الدنيا بأصواتهم اللي فوق الرائعة وعازف الساكس الصاعد المتميز اللي قدمته وموهبته كانت مفاجئة كبيرة للجمهور".

وأضاف: "فخور بالتنظيم  أستاذ أدهم بكري الشاب الجميل الإسكندراني اللي كان بيحبني من وهو15 سنة وقولتله لو بتحبني أوي لازم تنجح ووعدني إنه هينجح  والنهاردة عنده 30 سنة ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر بشكر رجال الأمن كل الشكر مجهود عظيم في دخول وتأمين عدد خرافي زي دا".

وكشف أنه بسبب العدد الضخم من الحضور، لم تتمكن الكاميرات من تصوير الحفل، مرددا: "لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفلة هيكون أوضح  إن شاء الله شكراً طلاب إسكندرية حبايب قلبي شكراً لكل شعب إسكندرية العظيم الراقي المحترم شكرا لكل الوحوش اللي تعبوا في المسرح الكبير ده وإخراج الحفلة بالشكل العظيم دا اللي يليق بإسكندرية وشعبها".

والجدير بالذكر، أن الفنان تامر حسني، أقام حفلا غنائيا، بالأمس، وقدم العديد من أعماله الفنية والتي تفاعل معها جمهوره طوال مدة الحفل.