إقامة جنازة وعزاء السيناريست مجدي الكدش بعد ظهر اليوم

حددت أسرة السيناريست الراحل مجدي الكدش، موعد الجنازة بعد رحيله في الساعات الأولى من صباح، اليوم، بشكل صادم لكل أصدقائه في الوسط الفني، ومن المقرر أن تقام صلاة الجنازة على الكاتب الراحل، بعد صلاة الجمعة من مسجد السلام بمدينة نصر ويشيع إلى مقابر الأسرة بالوفاء والأمل.

وكانت آخر أعمال الراحل مسلسل "العصمة في إيدي"، الذي عرض على شبكة إذاعات راديو النيل ولعب بطولته النجم أحمد حلمي والفنانة هنا الزاهد. 

وخلال مشواره الفني الطويل شارك الكاتب الراحل مع أحمد حلمي العديد من الأعمال الإذاعية على مدار سنوات طويلة، كان منها لمس أكتاف، شطة هندي، جرى إيه ياعمر وغيرها من الأعمال الناجحة.   

أعلنت الصفحة الرسمية لقصر السينما والثقافة، عبر حسابها بموقع التواصل الاجتماعي «فيس بوك» وفاة السيناريست مجدي الكدش، وكتبت الصفحة: “تنعى الثقافة السينمائية وقصر السينما ومجلة أبيض وأسود وجميع العاملين بهم، السيناريست مجدي الكدش الذي وافته المنية منذ قليل، إنا لله وإنا إليه راجعون”.

وكان السيناريست الراحل بدأ مشواره الفني في بداية التسعينات وشارك المخرج مجدي الهواري في عدد من الأعمال وبدأ كل واحد مشواره مع الآخر.

 ونعاه المخرج مجدي الهواري بمنشور على موقع التواصل الاجتماعي "فيسبوك" كتب فيه، “سنة 93 مات ابويا رحمة الله عليه مكنتش لسه اتخرجت.. اتأثرت كتير بالخبر واتلخبطت كل حاجة، كنت لسه صغير ومش عارف هعمل ايه بعد أبويا، لحد ما اتعرفت في السنة ديه علي واحد اسمه عم محمود الكدش رحمة الله عليه عرفني علي ابنه اللي دخلني عالم الأحلام السينما”. 

 وتابع المخرج مجدي الهواري، " قعدت معاه وكلمته في أحلامي وبعد رغي طفولي كتير قالي كلمة واحدة انت احلامك كبيرة ياهواري بس مش عارف ليه حاسس اننا هنشوفها مع بعض ولو مشفنهاش هقول عيل ومشيت وراه واشتغلت معاه مع شركة دانا الإنتاج كنت بجيب إعلانات علي الافلام وعملنا أول أفلام الشرك ليه يا بنفسج، ورومانتيكا، ونجحنا وعملت كيان  وفتحت شركة يونيكورن وحققت حلمي سنة 94، ومعاه عملنا في اول اعمالنا في الشركة الجديدة فوازير أبيض وأسود  وتاني 95/96  التي كتبها وبعدها فوازير خليك جرئ 2000، وفيلم 55 إسعاف"

 وأضاف" كانت بداية الحلم وبقينا أصحاب وحبايب وبقي يقولي مطلعتش عيل ياهواري ..  ويباركلي بعد كل فيلم اعمله عبود علي الحدود سنة 99، والناظر سنة 2000 وكل مشروع ادخله والنهارده سنة 2022 سابنا وراح، وفجأة من غير حتي ما يودعنا طول عمرك بتحب المفاجآت ياصاحبي بس كنت بتحب الهدوء ومشيت في هدوء من غير صخب، المرة الوحيدة اللي كنت فيها سريع هي موتك !! معقول !! سبحان الله ".

وتابع "فجأه مش مصدق ومش هصدق  وكل ما افتكر ضحكتك الجميلة المعروفة والمشهورة عنك،هقولك متهزرش يامجدي كالعادة ارجع بقي، الله يرحمك يا أجمل و أعز وأطيب وأحن الأصدقاء.. مجدي الكدش في ذمة الله  نسألكم الفاتحة والدعاء بالرحمة "