«صحابى الرجالة لسه جنبى».. شيرين رضا تخرج عن صمتها فى «حبر سرى»
ظهرت الفنانة شيرين رضا، مع الإعلامية أسما إبراهيم، عبر برنامج "حبر سري" المذاع على قناة القاهرة والناس، وتحدثت خلاله عن الكثير من كواليس حياتها الشخصية.
«الدستور» يرصد في السطور التالية أبرز تصريحات شيرين رضا..
عادة سيئة في السيدات "بنهم نفسنه"
قالت شيرين رضا خلال برنامج "حبر سري": "الستات في بينهم نفسنه، ودي من العادات السيئة لديهم، واحنا كستات بقالنا سنين طويل بنحاول نأخذ حقوقنا في الجو دا، موضحة أنها عادة بالسيدات يجب التخلص منها".
صحابي الولاد لسه جنبي لحد دلوقتي
وتابعت شيرين رضا:" أنا قولت معظم أصدقائي رجالة وهم أصدقائي من أيام المدرسة من سن الطفولة وموجودين معايا لحد دلوقتي، لكن صحابي البنات بعضهم سافر والبعض الآخر عاش في أماكن بعيد عني".
الست أقوى عدو للست
وواصلت شيرين حديثة في البرنامج قائلة: "احنا بنحاول بقالنا سنين كتير نأخذ وضعنا في المجتمع ومش هنعرف ننجز اي حاجه طول ما احنا بنحارب بعض ولو عايزين نعمل حاجة زي دي نغير تفكرنا ونبطل نتكلم عن المساواة مع الرجل وحقيقي مقولة الست أقوى عدو للست".
صفات الرجل الجذاب
وأعلنت شيرين رضا، عبر برنامج "حبر سري"، مع الإعلامية أسما إبراهيم، عن مميزات الرجل الذي يجذبها قائلة: "اللي يلفت نظري في الراجل أنه يكون بيضحكني، وأنا عندي في يومي حاجات سخيفة كتير وأن يكون في حد بيضحكني حاجة جميلة وتشدني بسرعة للراجل".
خلافها مع غادة عادل
واستكملت الفنانة شيرين رضا حديثها حول شائعة الخلاف بينها وبين غادة عادل: "فى إشاعات بتضحكني، وأنا وغادة عادل بنعمل فيلم مع بعض اسمه بنات رزق فيلم كوميدي ومش مقاطعين بعض زي ما الناس بتقول".
