«طيبة وعفوية زيادة عن اللزوم».. أبرز تصريحات منة عرفة بعد تصدرها الترند
تصدرت الفنانة منة عرفة، محركات البحث على جوجل، وذلك عقب تصريحاتها الأخيرة التي أدلت بها خلال الساعات الماضية مع الإعلامية رغدة شلهوب، في برنامج «سابع سما».
وقالت منه عرفة، في بداية تصريحاتها: «الناس فاكرة إن أنا شخصية قوية وبتاعة مشاكل لكن خالص اللي يعرفني هيعرف إن أنا في حالي ولما بتعرض لهجوم مش برد ويمكن أنا طيبة زيادة عن اللزوم وعفوية واللي بيخطر على بالي بقوله».
وعلقت أيضًا منة عرفة، على صورها التي أثارت جدلًا عبر مواقع التواصل الاجتماعي، وقالت: «اتعمل هاك على موبايلي وتم تسريبهم ولو أنا اللي نشرتهم مش هطلع أقول بعد كدة أنا عندي تحفظات على الأدوار علشان ساعتها هبقى منافقة وأنا مش كدة وكل واحد عنده كامل الحرية إنه يقدم نفسه في الحاجات اللي هتعيشله زي ما هو عايز».
وتحدثت منه عرفة، عن المشاهد الجريئة مؤكدة أنها لا تحب عمل أي مشاهد جريئة أو خارجة قائلة خلال تصريحاتها التلفزيونية أنها ترفض تقديم تلك الأدوار التي لا يمكن حذفها مستقبلًا، وستظل في أذهان المتابعين، على عكس صورة من حياتها الشخصية: «الأعمال بتفضل موجودة وتتشاف، لكن لو صورة ليا ولا حاجة على البحر أو في سهرة، دي حياتي الخاصة، هرجع استغفر، لكن مش عاوزة أقدم حاجة كدة».
وردًا على التصريحات الهجومية التي قالتها الفنانة إلهام شاهين عنها من قبل، قالت منة عرفة: «الأستاذة إلهام شاهين قالت لو أنا برفض المشاهد الجريئة تقعد في البيت، هي اللي هتقعدنا في البيت يعني».
وتابعت: «لو ده رأيها تحتفظ بيه لنفسها، ومش الكل بيقدم المشاهد دي، ولا التمثيل كله كده».
