كارولين عزمي بعد ضبط المتحرش بها: «حقي رجعلي وشكرًا للداخلية والنيابة»
تعرضت الفنانة الشابة كارولين عزمي، أمس الأربعاء للتحرش اللفظي أثناء قيادتها سيارتها بمنطقة مصر الجديدة وذلك عن طريق شخص كان يقود سيارته ووجه لها العديد من الألفاظ الخارجة والإيحاءات الجنسية.
ونشرت كارولين عزمي عبر حساباتها الرسمية بمواقع التواصل الاجتماعي منشورا توجه خلاله لرجال ضباط الداخلية المصرية لتحركهم على الفور والقبض على صاحب الواقعة في نفس اليوم وكتبت: "الحمد لله حقي رجعلي عايزة اشكر رجال الداخلية والنيابة العامة على سرعة الاستجابة وقفتهم شكرا انكم مسكتوا الشخص دا في نفس اليوم".
ووجهت رسالة خلال المنشور لجميع السيدات اللاتي يتعرضن لمثل هذه المواقف:"واحب اقول لكل البنات اي موقف تتعرضيله اوعي تسكتي واجهي ومتخافيش وحقك هيجيلك احنا في بلد فيها قانون".
واختتمت المنشور قائلة: “مع احترامي لزوجته وأولاده بس أنا مش هتنازل واتمنى يكون درس ليه وعبرة لغيره”.
وكانت كارولين عزمي نشرت مساء أمس مقاطع فيديو أثناء قيادتها سيارتها وهي تصور قائد سيارة أخرى يتعدى عليها لفظيا ويشير لها بإيحاءات جنسية وعلقت على الفيديو قائلة: “انا اللى يعرفنى او متابعنى عارف انى شخص مالوش فى المشاكل ولا عمرى شاركت مشكله تخصنى سوشيال ميديا”.
وأضافت: باختصار انهارده كنت فى عربيتي وجنبي عربيه فيها واحد كسر عليا كل اللى عملتو انى بصتله وبصيت قدامى ف لقيته بيكرر نفس الحركة تانى باستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفجأت وهو بيقولى بتصوريني يا بنت المت** سعتها اتخضيت وبدأت أصور بجد وانتو هتشوفو في الفيديو الحركات اللي بي أيدو والشتايم".
وتابعت: “وبدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا.. انا اتشتمت واتنهت واتشتمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض!”.
واختتمت المنشور قائلة: “ اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور ويتفضح.. انا عايزه حقى يرجعلى”.
