أقوال المتهمة في مقتل «الجدة حميدة» في إمبابة

تستكمل «الدستور»  نشر التفاصيل الكاملة لمقتل «الجدة حميدة» على يد حفيدتها داخل شقتها بدائرة قسم شرطة إمبابة، في القضية رقم 26784 لسنة 2020 جنایات إمبابة، والمقيدة برقم 4035 لسنة 2020 کلي شمال الجيزة.

وجاء بأقوال المتهمة "حنان. و" ۱۹ سنة، “حفيدة المجني عليها” أمام النيابة العامة خلال التحقيقات: “اللي حصل أن أنا كنت ببيت أهلي وكان معايا محمد عبد الناصر وأخوه محمود اللي هو جوزي ومحمود وكانوا المفروض أن هما هيسهروا عند أهلي بس عرفت أن محمود جوزی قالی آن محمد أخوه مشی واليوم اللي بعديه لما روحت البيت بتاعى في فيصل لاقيت واحدة اسمها حنين كانت عايشه معانا من بدرى مرافقة محمد عبد الناصر”.

وأضافت: "وبعد كدا لقيت محمد وسوزان بيخبطوا على باب الشقة بتاعتى وفي اليوم ده الصبح محمد سألني على أهلي وقالي أنتي عندك جدة لابسه دهب كتير فقولتله أن إحنا عيلتنا كلها مبسوطة ووقتها كنت عايزه أمشي من البيت ومحمود قالي لا مش هتمشى أنتى هتسبيني لوحدي وأنا كنت عاوزه
أسيب البيت عشان حنين اللى مرافقها محمد عبد الناصر أخو جوزي".

وتابعت: “وبعدها بفترة في نفس الأسبوع كانت الخناقات لسه شغالة، ويوم التلات محمد قال لمحمود هديك الألف وربعمائة جنيه اللى عليا يوم الجمعة، وكان ساعتها قاعد مصطفى الدكش، أحمد حسين، سوزان، حنين ومحمود جوزی”.

وأشارت: "ویوم الجمعة محمود قوره خبط على الباب وقال لأمي الحقى خالتك طلع عليها حراميه وسرقوها وساعتها محمود كان في البراجيل عند أخته ومحمود جوزي أول ما كلم محمد أخوه راح قاله محمد تعاله خد ألف جنيه، ومحمد قال لمحمود جوزي هو فيه حاجة عند حنان قاله أيوه دی ستها ماتت فمحمود جوزی قاله انت عرفت ازای فمحمد قاله اللي حصل وأنه راح يسرقها ومكنش يقصد يقتلها وقعد يحلف لمحمود جوزی فمحمد قال لأخوه محمود اقفل عشان مراتك حنان هي اللي هتوديني في داهية".

وأوضحت: "ومحمد أتصل بيا وقالي أنا رقبتى فداکي، وأوعى تقولى لحد اللى حصل، عشان دى قضية قتل وهتروحى في داهية وأنا هقول عنك كنتي موجودة في البيت وقتها ويومها بالليل كان فيه ظابط اسمه أنا قولتله أنا عاوزه أتكلم معاك وحكتله أن محمد عبد الناصر هو اللى قتل جدتي وكان بيسرقها فقالی طب تعالى معايا وروحت معاه على نقطة البراجيل وبعدها وصفتلهم الطريق
في الحفرية ووديتهم مكان محمد عبد الناصر اللى هو بيت سوزان طليقته وملقوش محمد عبد الناصر ولقوا حنين وشروق وطليقته سوزان فوق".

وأكملت: "هو اليوم اللي اتقتلت فيه جدتي كان يوم الجمعة قبل اللى فاتت في شارع الطناني بإمبابه وأنا كنت معاهم يوم السبت بعد الجمعة دي على طول وروحت يوم السبت ده وديت الحكومة لمكان محمد في الحفرية مكان بيت طليقته سوزان وأنا عرفت أن جدتي اتقتلت حوالى الساعة 10:30 مساء ووديت الحكومة المكان محمد حوالي الساعة ۲ صباح يوم الأحد قبل اللى فات".