محمد أمين راضي: «مملكة إبليس» عقبة مخلية اللي بعده صعب
كشف السيناريست محمد أمين راضي، عن أحب الأعمال لقلبه وأسباب تفضيله له.
وقال «راضي»، في تدوينة عبر صفحته الشخصية بموقع «فيسبوك»: «بس على الهامش كده أنا بحب شغلي جدا وبرتبط بيه أحيانا ارتباط مرضي، بس طول الوقت وده طبيعي بيكون ليك تفضيل شخصي، نيران صديقة طبعا، كان أقرب عمل لقلبي وما كنتش فعلا متخيل أبدًا إن ممكن المكان ده يتحرك في يوم من الأيام لحد مملكة إبليس، مالهاش علاقة بالنص رغم إني مصر إنه السيناريو ده عقبة كبيرة مخلية الخطوة اللي بعده صعبة قوي».
وأضاف: «لكن هي مالهاش علاقة بالنص ولا التنفيذ الإخراجي ومالهاش علاقة غير بالحب، حب جوا وبره، جوا السيناريو لشخوصه وأجوائه وللأفكار اللي حابب تشاركها مع الناس وللتغيرات اللي حصلت ليك خلال الأربع سنين اللي فاتوا واللي بان أثرها جدا على المسلسل، وبره السيناريو للتفاصيل اللي بتحيط بصناعة عمل تخليك ترتبط بيه أكتر وأولها طبعا الكام باك اللي حقيقي كانت في ظروف من أصعب ما يكون، الحمد لله على نعمه الكتير».
مسلسل مملكة إبليس من بطولة بطولة غادة عادل ورانيا يوسف وإيمان العاصي وسلوى خطاب وأحمد داود، من تأليف محمد أمين راضي.
