«تتجوز أجنبية ولا مصرية» يشعل تويتر.. ومغردون: «خفة الدم تكسب»
أثار هاشتاج " تتجوز أجنبية ولا مصرية" جدلا على مواقع السوشيال ميديا حتى تصدر تريند تويتر، وتنوعت تغريدات الشباب حوله.
وقال حسن البحيرى أحد مغردى تويتر: "هو فيه أجمل من المصرية وخفة دمها.. صبر وقوة وتحمل.. أعظم سيدات العالم".
وغردت هدى غريب: "الراجل المصري بطبعه هيكون عايز المصرية والأجنبية الاثنين.. بس البنات طلباتها بسيطة عايز واحد غنى وفرفوش"، ورد مغرد آخر:" ولا دى ولا دى كلهم نكديين".
وقال شادى:" ولا دى ولا دى.. أنا مش متجوز خالص"، بينما علق إيهاب على التريند:" المصرية بنت بلد وأصول بتتحمل وجدعة مش بتبيع زوجها وأى رجل مصري يقول غير ذلك يكون كذاب".
بينما يقول ناصر ساخرًا من الهاشتاج: "دلوقتى كل الرجالة بتقول الست المصرية أصيلة وجدعة وكل الصفات الحلوة دى أومال نسبة الطلاق والخناقات في محاكم الاسرة بتزيد ليه"، أما حازم فغرد: "أكبر فخر للنساء أن بينهم المصرية وأكبر فخر للأرض أن عليها خطوات ست مصرية".
