أحمد فلوكس: هنا شيحة حافظت على اسمي وسمعتي وعمرها ما غلطت فيَّ
شارك الفنان أحمد فلوكس، متابعيه عبر حسابه على موقع تبادل الصور والفيديوهات "إنستجرام"، صورة له مع طليقته الفنانة هنا شيحة.
وعلق أحمد فلوكس على الصورة، قائلا: "من أقرب وأنضف من عرفت ومن أطيب وأجدع من في حياتي، عند الجد دايما في ضهري، ربنا يديم ما بنا من حياة".
كما وجّه الفنان "أحمد" رسالة لطليقته قائلا: "الحقيقة عمر ما جه الفرصة وده تقصير مني أن أشكر أم ابني بعد تعاملي مع ناس وتجربة صعبة مريت بيها عرفتني الفرق بين ولاد الناس بجد وقاع المجتمع والفرق بين الست المحترمة اللي ما بتسبش ابنها وبيتها وبين تانية راميين عيالهم ومقضيينها".
وتابع: "عرفتني الفرق ما بين واحدة بعد انفصالنا لم تتزوج وفنت نفسها لابنها ومحترمة وضعها وسنها، وناس راميين عيالهم ومقضيينها صحوبية وجواز وعيال صغيرة ولا محترمين سنهم ولا عيالهم ولا حتى شكلهم".
وأضاف فلوكس: "بشكرها على محافظتها لاسمي وسمعتي وإنها عمرها ما غلطت فيا ولا في حد وطول عمرها سند وضهر غير ناس تانية لو ملقوش حد يلتوا يعجنوا في سمعتوا يتكلموا على أمهم وعيالهم ولا بيحترموا سنهم ولا اسمهم ولا حتى سمعة عيالهم".
واختتم: "بشكرها على تربيتها لابني وإنها فنت حياتها ونسيت نفسها ومابقاش عندها حياة غير لابنها رغم إن عندها كل حاجة تخليها تعيش وتتبسط بس كأي ست محترمة قافلة حياتها لابنها وبس".
