والدة الشهيد عمر القاضي تناشد السيسي بتسمية قطاع أمن مركزي باسم ابنها

قالت السيدة راندا محمود، والدة الشهيد البطل عمر القاضي، إن ابنها كان ينفذ مداهمات كثيرة ولا يبلغها بها لكي لا تقلق، معقبة: "أول مرة راح فيها العريش رجع مصاب، قولتله بلاش يا عمر تعرض نفسك للخطر، قالي لأ يا ماما يارب أبقى شهيد المرة الجاية، إنتِ متعرفيش منزلة الشهيد يا ماما؟، قولتله عارفة بس أنا أم، قالي ما انتي ربنا هيرفع مكانتك في الآخرة لو أنا بقيت شهيد".

وأضافت والدة الشهيد خلال لقائها بفضائية "ten": "عمر كان بتاع ربنا وتقي وبتاع خير، وكنت حاسة إنّه في العيد هيحصله حاجة، وكل مرة كان بيسلم عليا ويبوسني ويبوس إيدي ويبوس رجلي، وآخر مرة حسيت إحساس مختلف".

وتابعت: "عمر ابني وحشني جدا.. بس هو كان بيحب البلد ومكانش يستحمل حد يقول كلمة على بلده.. كل سنة وأنت في الجنة يا عمر وربنا يرزقك الفردوس الأعلى في الجنة زي ما رفعتني في الدنيا وفي الدين وهترفعني في الآخرة معاك.. إنت شرف ليا يا عمر وتاج على راسي ووسام على صدري، وهتشرف بيك طول العمر وشرفت أهلك وبلدك".

وناشدت والدة الشهيد عمر القاضي، الرئيس عبدالفتاح السيسي، بتسمية قطاع أمن مركزي باسم نجلها الشهيد، معربة عن أمنيتها حضور افتتاح القطاع الذي يسمى باسم ابنها.