«هما بيحسوش بالبرد زينا».. تجارب البنات مع ارتداء القصير في الشتاء
«الناس حاسين بالبرد وأنا قلبي دا شم نسيم».. بهذا المبدأ تتمكن بعض الفتيات من ارتداء الملابس القصيرة في الوقت الذي يتجمد فيه من حولها بردا، ناظرين إليها نظرة غيظ، مرددين في أنفسهم: «هما مبيحسوش بالبرد زينا».
وفيما يلي تجارب بعض الفتيات مع ارتداء الملابس القصيرة في فصل الشتاء:
تقول ميرنا جرجس: «في الأول كنت مترددة الجو ميشجعش على لبس قصير خالص بس لما ابتديت ألبس قصير اتعودت، وعرفت أن الانسان بيوهم نفسه ساعات بالبرد، إنما لو أقنع نفسه أن الجو جميل مش هيكتف نفسه بكل اللبس دا».
وتضيف نيفين محمود: «محدش بياكلها بالساهل ساعات ببقى متلجة وبلبس قصير علشان أبقى أشيك، وخاصة لما بقابل الكراش علشان يفضل دايما مبهور بيا باستمرار».
وتقول مها محمد: «الموضوع تعود مجرد ما تتعودي تلبسي قصير في الشتاء مش هتحسي إن الموضوع صعب زي ما انتي متخيلة».
وتوضح نهى سعد: «بشوف كتير في عيون البنات نظرة إنتي مجنونة، وساعات نظرة إنتي مبتحسيش، بس إحساس إني مميزة بيخليني أكمل رغم إني منكرش أني بحس بالبرد وساعات كتير بيجيلي دور برد محترم بسبب الموضوع دا».
