صانع محتوى: اتعرضت لـ"التلقيح" بسبب وزنى
تحدث محمود السيد صانع محتوى، عن الفارق ما بين مصطلحي "التلقيح والتجريح"، موضحًا أن هناك فارقًا كبيرًا ما بينهما.
وقال "السيد"، خلال استضافته في حلقة جديدة من بودكاست "في إيه؟"، لإسلام فوزي، والذي تنتجه الشركة المتحدة للخدمات الإعلامية: "الاثنين صعبيين بس كل واحد منهم ليه شكل مختلف عن التاني في الطريقة.. فالتلقيح عامل زي مثلًا لما تكون بترمى إفيه على شخص وبتستنى تشوف مناسب عليه ولا لأ، بعكس التجريح أن بتكون بتهين الشخص وبتسخر منه بس بشكل صريح وبدون أي مقدمات زي مثلًا اللي بيتريق على قصر شخص أو ضعف نظر شخص، بصراحة بشوف أن البنات بتلقح على بعض أكتر من الولاد".
وواصل: "للأسف في ناس كتير عايشة معانا على التلقيح، وأنا من الناس اللي اتعرضت لده بسبب وزني.. وحاولت أعمل كتير رجيم بس معرفتش.. وكان من أسوء الأنظمة اللي جربتها كان (الكيتو)".
