أحمد عز فى ندوة "القاهرة السينمائى": مسلسل "ملك روحى" نقطة تحول فى مشوارى

انطلقت منذ قليل ندوة تكريم النجم أحمد عز  على هامش فعاليات مهرجان القاهرة السينمائي الدولي في دورته الـ45.

وتحدث عز عن مسلسل "ملك روحي": "يعتبر المسلسل نقطة انطلاقة في عالم الفن ونقطة تحول كاملة لمشوارها الفني". 

وكشف عز عن تفاصيل ترشيحه للمسلسل وقال بعد اعتذار أحد النجوم عن العمل تم ترشيحي للعمل وأول أيامي في العمل شعرت أنني لست على قوة الفنانة الكبيرة يسرا، وقال لي المخرج مجدي أبوعميرة بعد الحلقة السادسة "لن تستطيع أن تسير في الشارع وحققت نجاحًا مدويًا بالفعل وكان يذاع على قنوات فضائية وعرفت وقتها قيمة الفن وكانت هذه النقلة الحقيقية في حياتي".

ندوة تكريم أحمد عز 

وتابع "كان المسلسل وش السعد عليا فعقب نجاحه  هاتفني المنتج  وائل عبدالله وتعاقد معي على ثلاثة أفلام وقتها، وبدأت أفهم معنى وشكل جديد للسينما، وتعلمت طريق الأكشن وأعمال الساسبينس".

وتحدث عز عن حصره في البداية في أدوار معينة  قائلًا: "خليني أبقي واضح في الأول كانوا بيرشحوني علشان شكلي، لأني لما كنت بتفرج علي أعمالي القديمة كنت بقول ربنا كرمني أوي، لكن مع الوقت أصبحت طريقتي وأدواتي وعملي على الشخصيات واختيار الأعمال المختلفة هي الأهم من الشكل"، مؤكدًا أنه حريص بشكل كبير على العمل  بكل تركيز، قائلًا يشهد ربنا إني ببقي بفكر في الناس اللي هتنزل تدفع من جيبها علشان تتفرج على فيلم هيطلع منه بحاجة".

وتابع عز: "اعتبر نفسي محظوظًا لأن الافلام الأولى كلام الليل والشرف ومن بعدها مذكرات مراهقة وكل الأفلام اللي جت بعدهم كانت ناجحة، وأنا لسه فاكر دكتور سميرة محسن وإحنا بنصور سنة أولي نصب خلتني أروح أحضر في معهد فنون مسرحية في كل السنوات الدراسية وأنا ممتن لكل اللي علمني حاجة، وهما السبب في وجودي هنا دلوقتي، لأنهم علموني في الأول أن التمثيل مش شكل بس".

وأضاف المخرج الكبير سعيد حامد أما شافني قالي "أنت اتعملك كل حاجة"، وأنا أعتقد أني دايمًا محظوظ، وملاكي إسكندرية ده كان مولود ليا، إحنا كنا بنطبع الفيلم في مكان في الهند اسمه شناي، ورحلتها طويلة جدًا على ما توصل تبقي زهقت من الفيلم، وأنا بتفرج على النسخة الزيرو في الهند، معرفتش أنا مين من كتر ما كانت النسخة ضلمة جدًا، رجعت الأوتيل قلت أنا مستقبلي ضاع، بس على العكس كان هو البداية.