دياب وساندي يطرحان ديو "موقف" على يوتيوب

طرح المطرب دياب والمطربة ساندي الديو الغنائي الخاص بهما منذ قليل عبر قناتهما الرسمية على يوتيوب، وذلك بعنوان “موقف”، والتي روجا لها خلال الفترة الماضية بـ أوزة مما اثار فضول جمهورهما.

وأغنية “موقف” كلمات منة القيعى، ألحان عزيز الشافعي، توزيع امين نبيل، وطرحت على طريقة الفيديو كليب.
 

وتقول كلمات الأغنية:

اللي  واخد مني موقف
لو سمحتوا يرجعوا 
واللي ناوي يلوي بوزه
ف الاخر الصف هرجعوا
اللي  واخد مني موقف
لو سمحتوا يرجعوا 
واللي ناوي يلوي بوزه
ف الاخر الصف هرجعوا

مافيش مكان فالدايرة ديا
غير ل حبة كويسه
واللي غاويين مرازية
مش طالباهم ع المسا

من جد وجد
ناس رايقة فقط
مالناش في النكد
مالناش في الغلط
من جد وجد
ناس رايقة فقط
مالناش في النكد
مالناش في الغلط

و لا ف اللي لي لي 
لي لي لي لي لي 
انت بتعمل كده ازاي 
انت بتعمل كده ازاي 
انت بتعمل كده ازاي

واللي ناوي يتقمص
براحته مش هنمنعه
يتقمص بعيد ولما
ياخد كفايته نرجعه

احنا مش جايين ف هالك
السالكين هنا يجمعوا
ييجوا حلوين واحنا هنبارك
والتانيين بقي يمنعوا

مافيش مكان فالدايرة ديا
غير ل حبة ملذذه
واللي غاويين مرازية
ادي احنا خلعنا بمعجزة

من جد وجد
لم ينجح احد
مالناش في النكد
مالناش في الغلط
و لا ف اللي لي لي 
لي لي لي لي لي
انت بتعمل كده ازاي

جدير بالذكر أن، كانت آخر أغنية طرحتها ساندي كانت "صحاب ماصانوش"، من كلمات عزيز الشافعي، ألحان أمين نبيل، وتوزيع جلال الحمداوي.

يذكر أن دياب عرض له في شهر رمضان الماضي مسلسل "مليحة" المكون من 15 حلقة، وتدور أحداثه حول أسرة من أصل فلسطيني تعيش في السلوم، ولكن بعد أحداث ليبيا تضطر للعودة مرة أخرى إلى غزة عن طريق مصر، وتواجه العديد من الصعوبات.