زواج رضوى الشربينى يتصدر الترند.. والإعلامية ترد: "كل شهر جوازة جديدة"

تصدرت الإعلامية رضوى الشربيني الترند على منصات التواصل الاجتماعي وعلى مؤشرات البحث في موقع جوجل، وذلك عقب ظهورها في بث مباشر لتكشف حقيقة زواجها، عبر حسابها بموقع “فيسبوك”.

حقيقة زواج رضوى الشربينى 
 

وكشفت “الشربيني” خلال الفيديو، حقيقة الشائعة، قائلةً:"أنا لو هتجوز هعلن ده أنا حبيت أقول للهبيدة أكيد لا أنا متجوزتش، لدرجة إنهم حطوا صورتي مع شقيقي وبتقولوا ده خطيبي الإماراتي،  بصراحة مستغربة من اللي بيتعمل ده، حبيت أقول لجمهوري اللي بيسعد قلبي.. شكرًا ليكم إنكم بتدافعوا عني بالشكل ده، إنتم أحلى حاجة حصلت في حياتي".

وتابعت:"أنا بلاقي نفسي متجوزة كل شهر من حد مختلف، يا جماعة لو اتجوزت كان زماني حامل في حمادة دلوقتي مش كده، أنا متجوزتش حد عنده أطفال بالمناسبة زي ما أحد الجمهور قال كده".

وعن تعليق أحد متابعيها بأنها تزوجت وجعلت ياسمين عبدالعزيز تنفصل عن العوضي:"انتو عندكم مشاكل أكيد عشان تفكروا بالشكل ده".

وعن خطوتها الجديدة في الإعلام قالت:" أنا حاليًا في استراحة محارب، وحبيت إني أكون معاكم هنا على السوشيال ميديا، ولسه مستقرتش على اختيار الخطوة الجديدة، وأما يحصل ده أكيد هعلن لكل اللي بيحبوني".

كانت رضوى الشربيني قد ظهرت مؤخرًا بصورة مع الفنانة ياسمين عبدالعزيز، وعلقت عليها:"اختى وحبيبتى وصحبتى".