إزاي تحمي واتساب تليفونك من الاختراق؟.. باحث تكنولوجي يُجيب

قال محمد النواوي، الباحث التكنولوجي، إن السوشيال ميديا هي عالم افتراضي توسع وشمل العالم كله، متابعًا: "ممكن حرامي يسرقني من دولة تانية".

وأضاف النواوي خلال حواره لبرنامج "السفيرة عزيزة" المُذاع على قناة "dmc": "الحرامي غير المرئي هو الأصعب فهو أقرب للاحتيال، وهذا هو التطور".

وتابع: "بعد أزمة كورونا ظهرت أهمية السوشيال ميديا جدًا في حياتنا هي والتكنولوجيا عمومًا" مشددًا على ضرورة تأمين الحسابات على مواقع السوشيال ميديا.

وأشار إلى أن كل البرامج يمكن أن تُخترق عن طريق الواتساب، متابعًا: "يتم الاختراق عن طريق رسائل برامج السوشيال ميديا عبارة عن لينك يدخل عليه الشخص ويتعرض للاختراق أو عن طريق الإيميل".

واستكمل: "علشان نحمي نفسنا من الاختراق مينفعش اللي بيحصل في البيت أعرضه على السوشيال ميديا لأنها زي الشارع، كمان الداتا على الموبايل تكون بحساب سواء صور أو ملعومات، بالإضافة إلى التعامل مع السوشيال ميديا ببساطة، وعدم التعامل مع أشخاص غير معروفة".