عليه 82 مخالفة.. سائق "سكران" يصدم عدة سيارات على طريق السويس (فيديو)

تداول رواد مواقع التواصل الاجتماعي فيديو لسائق مخمور، يقود سيارته بسرعة عالية، ويقوم بأداء حركات متهورة على طريق السويس في اتجاه مصر الجديدة.

وفي السياق ذاته، قال مروان وحيد، قائد سيارة على طريق السويس، إنه تفاجأ بسائق مخمور مجنون يحاول الاصطدام به على طريق السويس في اتجاه مصر الجديدة.

وأضاف: "كنت ماشي على طريق السويس الصبح في اتجاه مصر الجديدة وفوجئت بواحد عمال يشتم بالكلاكس، ويعمل إشارات بإيده، قولت يمكن بيشبه ويعرف حد معاه نفس عربيتي، طلعت جمبه عند نازلة الكوبري، ومش فاهم في إيه لقيتو رما عليا وجي يخبطني.. طلعنا على طريق السويس مش سايبني أعدي وماسك إزازة بيبسي عايز يرميها عليا، عديت من جمبه، ووصلت عند الكارتة لقيته جاي يخبطني لولا ستر ربنا، عرفت أتفاداه، وطلعت على جمب الطريق ونزلت على رجلي عشان أشوف ماله لزق في العربية اللي قدامه في الكارتة، وبتوع الكارتة قالولي إنه شتمهم برضه وعمل إشارات بإيده".

وأضاف: "طلعت تاني على طريق، فضل مكمل كده، ومش سايبني أعدي.. الله أعلم هو كان شارب إيه، لأن شكله راجل كبير مش عيل صغير، وماسك الإزازة في إيده، اللي هو أنا لو عديت هيرميها عليا.. الحمد لله ربنا ستر بس ممكن يقع مع ست كبيرة أو حد بيتوتر فيحصل مصيبة".