شيرين رضا تروى كواليس انفصالها عن عمرو دياب: "أنا مش بغير"
تحدثت الفنانة شيرين رضا، عن فترة زواجها من الفنان عمرو دياب، وعلاقتها بجمهوره خاصة البنات، قائلة: "أنا مش بغير".
وقالت "رضا" خلال لقائها في برنامج العرافة، مع الإعلامية بسمة وهبة، على فضائية النهار: "الغيرة مش بتوجع غير صاحبها.. أنا اتجوزت واحد مشهور لازم يكون عنده معجبين، فلو غيرت عليه ومين دي وبتكلم مين أنا اللي هتعب في الآخر.. وكده كده هيفضل حواليه نسوان".
وتابعت: "أنا بسميهم كده لأن اللي تجرى وراء راجل متجوز بالأسلوب دا تبقي "نسوان" مش ست، لأن الستات محترمة".
كواليس انفصال شيرين رضا عن عمرو دياب
وعن سبب انفصالها عن عمرو دياب، قالت: "الانفصال حدث لأن الحياة أصبحت ما بينا مستحيلة وكنا بنتخانق والحياة ما بينا مكنتش أفضل حاجة.. عشان كده قررنا الانفصال وأننا نفضل أصدقاء على أننا نكمل والمشاكل تكبر بنا ومنقدرش نبص في وش بعض".
