الرئيس السيسى: «من حقى أتبرع لصندوق دعم الأسرة لمنع حوجة الناس»

تحدث الرئيس عبدالفتاح السيسي عن ملف الغارمات، قائلًا: "هو بالسهل يعني على أي أسرة إن البيت يتهدم دي مصيبة لوحدها، تبقى هي لوحدها محتارة تجيب منين وتصرف إزاي وتودي المدارس".

ديون 350 مليون جنيه لبنك ناصر

وأضاف الرئيس السيسي، خلال كلمته باحتفالية المرأة المصرية والأم المثالية لعام 2023، اليوم الإثنين: "لما اتكلمنا مع وزارة التضامن الاجتماعي قالوا فيه ديون 350 مليون جنيه لبنك ناصر، ده معناه إيه إن ده دين، ولو الناس حطت مليارين هنحط مليارين، ولو حطوا 5 مليارات هنحط 5 مليارات، ده صندوق اجتماعي يعني ضمان اجتماعي للأسر والبيوت، هي دي القضية باختصار".

وتابع الرئيس السيسي: "أنا بتكلم من مصارف الدين، اللي هي المصارف المالية ومن حقي أن أتبرع للصندوق ده، ده كفيل لمنع حوجة الناس والأسر، والناس فاهمة الموضوع كله في صدقة لبناء مسجد أو دار أيتام، لكن التبرع ده هيكون من أجل حماية مجتمع والمحافظة على صلابته وقوته".

ويشهد الرئيس عبدالفتاح السيسي، وقرينته السيدة انتصار السيسي، اليوم الإثنين، احتفالية تكريم المرأة المصرية والأم المثالية 2023، بمركز المنارة بالتجمع الخامس.

ويحرص الرئيس السيسي، على حضور الحفل كل عام تقديرًا لدور المرأة المصرية، وتأكيدًا على دورها فى كل ميادين الحياة.