لما دخل خفت.. جيلان علاء تكشف تفاصيل قصة حبها لعز شهوان

كشفت جيلان علاء وزوجها الفنان عز شهوان تفاصيل  قصة حبهما وذلك بعد أيام قليلة من احتفالهما بزفافهما وسط حضور عدد كبير من النجوم.

تفاصيل عرض الزواج

وقالت جيلان، خلال لقائها في برنامج "معكم منى الشاذلي"، المذاع عبر فضائية "cbc": "يوم عرض حلقتنا بنفس البرنامج السنة اللي فاتت، كنا أصحاب بس وبعدها وصلني للبيت بعربيته وطلب مني الزواج"، ليعلق زوجها:"يومها بدأت حرارة الحب وكنت محتار أصارحها وألا لا، وزي أي راجل ساذج قلتلها في العربية إني بحبها".

وأضافت جيلان: "تجاربي ليست لطيفة وهو عارف كل حاجة وأنا عمر ماحد طلبني للجواز وخفت وقلت أكيد بيهزر وكذاب والموضوع لن ينتهي نهاية كويسة أنا عندي 34 سنة مريت بقصص حب وانتهت وعشت أزمات نفسية ولما اتقدم ودخل في الدوغري خفت".

وتابعت: "أنا كان جوايا حاجة واستعطبت وقعدنا شهرين وهو اتضايق شوية مني بعد رفضي رجع وقالي مش هاخسرك أصله مطيور، وبعدها كنا في مطعم بصيت له وقلتله أنا بحبك وأنا اللي قلت المرة دي".

وكشف زوجها عن إحساسه وقت رفضها الزواج منه في المرة الأولى قائلًا: "حسيت الدنيا برد وماخدتش القفا دا قبل كدا، وهي ماقلتش لا قالت انا مش جاهزة دلوقتي يعني الموضوع مفتوح".

أضاف:"بعدها بيومين فكرت تصلح الموضوع فقامت نهت القصة وقالت أنا قلقانة تكون زعلت حسيت إني بانهار وعملنا مشكلة وقلتلها مانتكلمش في الموضوع لأن إحنا لسا في الأول ومفيش قصة حب".