مصطفى كامل يروي كواليس صناعة أغنية «تسلم الأيادي» (فيديو)

كشف الفنان مصطفى كامل، كواليس أغنية "تسلم الأيادي"، قائلًا إنه كان يجلس مع الدكتور يحيى البستاني على قهوة ودبابات الجيش كانت تتحرك.

وأضاف كامل خلال حواره مع الإعلامي أحمد موسى ببرنامج "على مسئوليتي" المُذاع على فضائية "صدى البلد" مساء الأحد: "يحيى من الناس التي تحب مصر جدًا وأنا بعدها كنت طالع عمرة رمضان".

وتابع: "يحيى قالي ما تيجي نعمل أغنية قولتله، إحنا لو عملنا حاجة هنعملها لاحتفالات العاشر من رمضان علشان السفر".

واستكمل: "رجعت على البيت لاقيت التيمة بتاعة الأغنية مسيطرة عليا زي ما هي كدة تسلم الأيادي تسلم يا جيش بلادي، وأنا من محبي بليغ حمدي وعندي شغف به فكنت عاوز أروح للمنطقة دي".

وأضاف: "كلمت يحيى قولتله أنها طلعت بالشكل ده، ومكنتش متخيل إني هلحق أعمل كدة، وكلمت الموزع واشتغل عليها".

وأردف: "كلمت حكيم مكنش عارف جاي يعمل إيه وإيهاب توفيق وهشام عباس، ونفس الأمر غادة رجب".

«قالوا لأمي تسلم البطن اللى شالت».. مصطفى كامل يتحدث عن نجاح «تسلم الأيادي»

واختتم: "بعد ما الأغنية نزلت ناس كثيرة جدًا كلمتني لدرجة إني مكنتش عارف أعمل العمرة، والسيدات قالولي لوالدتي تسلم البطن اللي شالت".