إلهام شاهين عن تبرعها بأعضاء جسدها: عمل إنسانى وشيوخ كتير شجعونى عليه

بعد أيام قليلة من وفاة الفنان القدير هشام سليم، أعلنت الفنانة إلهام شاهين مرة أخرى عن تفاصيل التبرع بجميع أعضائها السليمة بعد وفاتها عبر صفحتها على موقع تبادل الصور إنستجرام، كما قالت في تصريحات تليفزيونية بأحد البرامج: "الأحباء يفارقونا ويذهبون بعيدًا، والشخص يخاف من الدنيا بالفعل الآن".

إلهام شاهين تُعلن تبرعها بأعضاء جسدها

وقالت شاهين: "أنا أعلن تبرعي بكل أعضاء جسدي السليمة بعد وفاتي إن شاء الله، لمن يحتاج ليها، أي إنسان محتاج قلب، كلي، كبد، قرنية، رئة".

إلهام شاهين توجه رسالة للجميع

وتابعت "أنت ممكن لما تتبرع تفيد ناس كتير مش شخص واحد بس، وفي نفس الوقت أنت مش هتخسر حاجة، يعني الجسد دا هيفنى هينتهي هياكله الدود يعني هيبقي في التراب، وبالعكس إحنا كدا بنعمل خير، بنبقي أكتر إنسانية مع بعض، بنخفف آلام الآخرين يعني مفيش حد بيطول عمر حد بالتأكيد، العمر دا ليه وقت ومكتوب لكن على الأقل بنخفف عنه الألم بنحميه من الحياة التعيسة والأدوية الكتير".

وأضافت "لو أي إنسان في إيده إنه يقدر يعمل هذا الخير لازم يكون عندنا هذه الثقافة وهذا الوعي الإنساني المهم جدًا".

رأي الشيوخ في التبرع بالأعضاء

وعن حرمانية التبرع بالأعضاء أكدت شاهين: "على فكرة أنا قبل ما أقول الكلام دا أنا سألت شيوخ مستنيرة إذا كان دا حلال، وقالولي إنه حلال جدًا، واتقالي منهم كمان إن هما شخصيًا مُعلنين دا ومتبرعين بأعضاء جسدهم السليمة بعد وفاتهم".

إلهام شاهين تطالب من جمهورها بالإنسانية

وجهت إلهام شاهين رسالة هامة لمتابعيها بـ"كل إنسان مستنير وبيحب الإنسانية وبيحب الخير وبيحب بلده هيعمل دا، ويا ريت الدولة تعملنا خانة في الرقم القومي يكون مكتوب فيها أن أنا متبرعة أني أنا موافق يعني على التبرع؛ بحيث إن الإنسان لما يموت حتى لو أهله معملوش دا، لا دا مكتوب في الرقم القومي بتاعه وعلى الدولة أنها تستفيد بدا وتاخد الجثمان فعلًا، ويتاخد منه السليم، وفي نفس الوقت أعتقد أن لازم يكون عندنا دمج لزراعة الأعضاء يعني بنك يتشال فيه الأعضاء" ده إلى من يريد،، فيا رب نقدر كلنا يعني إيدينا في أيد بعض أننا نعمل خير وننشر الحب والمعاني الإنسانية الجميلة بينا وبين بعض".