في النيروز.. الأقباط يتغنون بترانيم العام القبطي الجديد

تحتفل الكنيسة القبطية الأرثوذكسية، غدا الأحد، بعيد رأس السنة القبطية، والمعروف باسم النيروز.

وقالت المرنمة انسطاسيا مرزق، من ايبارشية أسيوط، في تصريح خاص لـ« الدستور»، إن الأقباط ينتظرون عيد النيروز للتغني بترانيمه المميزة والتي لها طابع تراثي قديم من قرون قديمة، موضحة أن أبرز هذه الترانيم التي يتغنى بها الأقباط اليوم هي ترنيمة أهلًا أهلًا بيك يا عيد النيروز.

وتقول كلمات الترنيمة:

اهلا اهلا بيك يا عيد النيروز فى ليله ذكرى شهدائنا.. ذكرى ابائنا واجدادنا هتفضل دايما فى قلوبنا.. علشان فى ذكرى حبايبنا

تعبوا كتير واسوا كتير من الصغير للكبير.. وقفوا وقفت الابطال يدافعوا عن الايمان

ياما ملوك وياما حكام وقفوا قدامهم شجعان.. واعترفوا باسم المسيح امنوا بيه بايمان صريح

ضحوا بالدم الغالى علشان يسوع الفادى.. واتمسكوا بالانجيل والكل مات نال الاكليل

ليه منكونش احنا كمان ندافع عن الايمان.. ده احنا اولاد شهداء ابرار ده احنا ولاد شهداء ابرار.. ده احنا ولاد شهداء ابطال

كما أكدت «مرزق»، أن ترنيمة في النيروز، لها نصيبا جيدا اليوم ايضا والتي تقول: «فى النيروز نتهنى ونفرح سيرة الشهداء حقيقى تفرح.. شافوا عذاب لكن وياهم ربنا دايمًا يتولاهم..عمره فى يوم أبدًا ما نساهم

مهما إن كانوا فى سجن يصلوا عمر فى يوم ماضاقوا أو ملوا.. صوتهم كان فى التسبيح عالى رغم الجلد وظلم ليالى

أصل حبيبهم كان وياهم بيصبرهم وبيرعاهم.. صوتهم كان فى التسبحة عالى رغم الجلد وظلم ليالى

أصل حنانه فاض وكساهم لطفه الحانى كمان غطاهم.. صوتهم كان فى التسبحة عالى رغم الجلد وظلم ليالى

فى النيروز نتهنى ونفرح سيرة الشهداء حقيقى تفرح.. شافوا عذاب لكن وياهم ربنا دايمًا يتولاهم..عمره فى يوم أبدًا ما نساهم».