محمد عبد الرحمن:«القلب كان شغال منه 33% بس»
حلَّ الفنان محمد عبد الرحمن، اليوم الخميس، ضيفًا على برنامج "معكم منى الشاذلي"، على قناة cbc، للحديث عن كواليس أزمته الصحية الأخيرة وخضوعه لعملية جراحية في القلب.
وأوضح "عبد الرحمن" أن القصة بدأت منذ فترة طويلة، حيث كان يشعر بتعب وآلام في أماكن متفرقة من الجسد، إلا أنه كان يتجاهلها رافضًا زيارة الطبيب، إلا أنه في أحد أيام تصوير فيلم "الدعوة عامة"، شعر بإعياء شديد بعد انتهاء التصوير، قائلًا: "حسيت إن صدري تقيل كده تعبت.. وقعدت أكح بشكل متواصل ورا بعض ومكنتش قادر.. قلت لا هروح مستشفى بقي.. لأن أكسجيني قل وضربات قلبي سريعة".
وتابع: "روحت ظبطولي الأكسجين وتاني يوم عندي تصوير قالولي مش هينفع تخرج النهاردة هتخرج بكرا قلت تمام، لحد العصر كان الأكسجين رجع تاني والدنيا جميلة، فجأة الدكتور قالهم لزيادة الاطمئنان اعملوا له إيكو على القلب.. فاكتشفنا أن القلب شغال منه 33% بس، قالولي لازم تعمل قسطرة استكشافية عملوها وقالي لازم عملية قلب مفتوح.. أول ما قالي اتخضيت، لكن فضلت أقول الحمد لله".
وتابع: "اللي حصلي كان حاجة كبيرة أوي، بس ربنا عداها بردًا وسلامًا، خاصة إن أنا كمان كنت مدخن.. يعني عندي عادة سيئة".
