«بحبك يا أسطورة».. أيمن بهجت قمر يسترجع ذكرياته مع الملحن طارق مدكور
استرجع الشاعر الغنائي أيمن بهجت قمر ذكرياته المهنية مع الملحن طارق مدكور وصولا لأخر تعاون بينهما في أغنية “رايقة” للهضبة عمرو دياب.
وشارك “أيمن” منشور له عبر صفحته الرسمية على “فيس بوك”، علق عليها قائلا: سرحت النهارده في العمر الطويل اللي عدى ما ببني وما بين طارق مدكور ومن اول مره شوفته لما اخدني حسن دنيا في استوديو كورنيت سنة ١٩٩٣ وهو قاعد مع اشرف السر خوجلي ورضا زايد وكان حلم من احلامي اني اقابله ووزع لي اغنيتين شاغلني لفارس وسندباد اللي مانزلتش في نفس البوم سوسنه من انتاج ا. طارق عبد الله اللي اداني ٦٠٠ جنيه ف الاغنيه وكنت مذهول اني اقبض٦٠٠ جنيه مره واحده في كلام انا مألفه".
وتابع: “وافتكرت لما كان ايامها طارق مدكور بيزعق لي ويمشيني من الاستوديو عشان اروح اذاكر عشان امتحانات ثانوية عامة ولما كان مجند الشاعر حسن عطيه عشان يبلغه انا بذاكر ولا بستهبل وافتكرت وقوفه جنبي ودعمه ليا وازاي من خلاله حطيت رجلي على سلم النجاح واتعرفت عنده لأول مره على هشام عباس وعامر منيب الله يرحمه وعمرو دياب لما كان بيسجل ألبوم ذكريات اغاني فيلم ضحك ولعب وجد وحب ووحضرت البوم يا عمرنا واتعمل تراك تراك على ايدي وألبومات كتير بعده ..وافتكرت كام مره انا ومدكور نجحنا مع بعض حتى لما لحن كسرنا الدنيا مع نانسي وافتكرت احلامنا اللي حلمناها وحققناها مع محمد حماقي ونجاحاتنا مع سميره وهشام ومصطفى و ايهاب و و و”.
وأضاف: “حقيقي انا سعيد ان انا ومدكور لحد النهارده بننجح مع بعض بأغنية رايقه في ٢٠٢١ .. ٢٩ سنه رحله جميله واكيد لسه هتتملي بإذن الله نجاحات، انا معرفش انا بكتب كل ده ليه بس كتبته وبحبك يا مدكور يا أسطوره”.
