ميكيافيللي 2004

يورو 2004، نقصد بـ اليورو البطولة المشهورة في كرة القدم، والحكاية المفروض إنها كروية، بس في سطورها كلام كتير، سيبك من الكلام الكتير دا، وخلينا في الكورة.
المجموعة التالتة، إيطاليا والسويد والدنمارك وبلغاريا، الجولة الأولى: إيطاليا والدنمارك صفر/ صفر، السويد فرمت بلغاريا 5/ صفر، كدا: السويد 3 بنط، ليها 5 وعليها لا شيء. إيطاليا والدنمارك بنط واحد، وصفر أهداف ليهم أو عليهم، بلغاريا صفر نقط، ليها لا شيء وعليها 5، معلش، بس الأرقام دي مهمة.
إنما الجولة دي ما عدتش كدا، الدنمارك قدمت احتجاجضد فرانشيسكو توتي، نجم إيطاليا المعروف، وقالت إنه بصق على لاعب من عندهم، ودعمت الاحتجاج بـ مقاطع فيديو. ومن هنا بدأ التوتر، الاتحاد الأوربي خد بـ الفيديو، وقرر عقوبة اللاعب بـ إيقاف 3 مباريات، فـ بدأت حالة من التلاسن بين المنتخبين، امتدت لـ جوانب غير رياضية، وبقت زي مواجهة بين دول الشمال الأوروبي من ناحية، وجنوب القارة من ناحية تانية.
أيون، ما هم الأوروبيين برضه بـ يعنصروا على بعض عادي!
المهم، الجولة التانية، الدنمارك غلبت بلغاريا 2/ صفر، إيطاليا اتعادلت مع السويد 1/1، أو الأدق السويد هي اللي اتعادلت، في الدقيقة 85 بـ جون إبراهيموفيتش، كدا: السويد 4 بنط، ليها 6 وعليها هدف، الدنمارك 4 بنط، ليها 2 وعليها لا شيء، إيطاليا بنطين، ليها هدف وعليها هدف، بلغاريا لا شيء، ليها صفر وعليها 7.
آخر جولة بقى، إيه حساباتها؟ إيطاليا هـ تغلب بلغاريا، اللي هي حصالة المجموعة، وخرجت فعلا، ومالهاش أمل في أي حاجة، دا أكيد ومش محتاج، فـ هـ تبقى 5 بنط.
في ماتش السويد ضد الدنمارك، لو السويد غلبت الدنمارك، أو الدنمارك غلبت السويد، اللي هـ يغلب منهميبقى 7 بنط ويصعد مع إيطاليا، والتاني يبقى 4 بنط ويخرج. يعني فوز أي دولة منهم يعني خروج التاني من البطولة، إنما لو تعادلوا، هـ يبقى إيطاليا والسويد والدنمارك 5 بنط، ساعتها اللايحة بـ تقول إيه؟
نحذف نتايج بلغاريا، ونحسب المواجهات بين التلات منتخبات المتساوية فقط، طيب: إيطاليا تعادلت مع المنتخبينصفر/ صفر و1/1، يعني بنطين وليها هدف وعليها هدف، هم هـ يتعادلوا كام كام؟
لو اتعادلوا صفر/ صفر، تصعد السويد وإيطاليا وتخرج الدنمارك، كـ ذلك لو اتعادلوا 1/1، هـ يبقى لها حسبة معقدة مش موضوعنا. إنما لو اتعادلوا 2/2، يصعدوا هم الاتنين وإيطاليا تطلع بره. 
يعني، لو مش عايز تدوش نفسك بـ الأرقام، النتيجة الوحيدة اللي تخليهم يصعدوا سواهي إنهم يتعادلوا 2/2 أو 3/3 أو 4/4، المهم التعادل يبقى حد أدنى هدفين.
إيطالياهي اللي فجرت قبل الماتشحكاية إنها متخوفة، من إنه "دول الشمال" تتحالف مع بعض، ويكونوا متفقين على التعادل 2/2، وديل بييرو قال نصاإنه خايف من حركة "وسخة" بين المنتخبين. رد المدير الفني السويديبـ إنه مع احترامي لـ ميكيافيللياللي ساكن دماغ الطلاينة، مفيش حاجة اسمها كدا، وإحنا مش متفقين على حاجة، وبيننا الملعب.
تصريح ميكيافيللي دا انتشر، وكترت الملاسناتفي الفترة ما بين نهاية مبارايات الجولة التانيةلـ حد ماتشين الجولة التالتة.
طبعا إيطاليا كسبت بلغاريا، إنما السويد والدنمارك إيه اللي حصل؟الدنمارك تقدمت بـ هدف، السويد ردت بـ التعادل، وصلنا الدقيقة 65، الدنمارك اتقدمت 2/1، وفضلنا لـ حد الدقيقة 89، كرة ضالة وسهلة، المفروض حارس الدنمارك يمسكها بـ سهولةوقعت من إيده، هدف التعادل 2/2.
مش بس تسجيل الهدف دا، في الوقت دا، إنما اللي حصل بعد تسجيل الهدفوهو إنه لاعيبة الدنمارك خدوا 3 دقايق لـ حد ما استأنفوا اللعب، في أجواء احتفالية صاخبةبين جمهور البلدين سوا سوا، فيه حد من الجمهور، رفع يافطة مكتوب عليها (2/2 = انتصار دول الشمال)
مخرج المباراة لقطها وبروزها، وتقريبا الوقت الضايع ما كانش فيه كورة، لـ حد ما صفر الحكم.
طبعا، لو حلفت ع المية تجمد لـ الطلاينة، إنها نتيجة "طبيعية"، مش ممكن يصدقوا، والصراحة عندهم حق، لكنمفيش إثبات ع الكلام دا، والاتحاد الأوروبي قال لـ الطلاينة، ما أقدرش أتهمهم بـ التواطؤ، من غير تقديم أي دليل من أي نوع، ودي معضلة المعضلات في مسألة التفويت، تثبتها إزاي؟
اللي يعنيني في القصة دي حاجة، إن الوضع داكان هـ يختلف تماما تماما تماما، لو كانت النتيجة المطلوبة هي التعادل السلبي، أصلهلو التعادل السلبي يريحني ويريحكفـ لا أنا هـ أبذل مجهود ولا إنت هـ تبذل مجهود، حدة الموضوع بـ تخف كتير، إنما لو الموضوع فيهإنك تفوت لي هدف أو اتنين أو أيا كان الرقم، وأنا أفوت لك مقابلهم، دي جريمة لا لبس فيها.
المهم، أنا هـ أموت وأعرف، هم ظبطوها إزاي، من غير ما يسيبوا أي دليل؟