«مرض وفقر».. مطربو المهرجانات يستعطفون نقيب «الموسيقيين»
موجة من الجدل أثارها فنانو المهرجانات، بعد حفل الاستاد، ليخرج هاني شاكر، نقيب الموسيقيين، بقرار منعهم من الغناء.
حاول بعضهم استعطاف الناس بقصص إنسانية، إذ خرج حمو بيكا، كاشفًا عن إصابته بمرض "كرونز" في المعدة، وأن العلاج يكلفه مبالغ طائلة، وثمن الحقنة يصل لـ 120 ألف جنيه.
وأضاف حمو بيكا: "الناس شايفين هَيْكَل من بره، بس ما يعرفوش الواحد عنده إيه.. فربنا كبير، والحمد لله، أنا في كل وقت باقول يا رب".
بينما علق حسن شاكوش، على قرار الفنان هاني شاكر بمنع مطربي المهرجانات من الغناء، قائلا: "أي قرار الأستاذ هاني شاكر ياخده فوق دماغى وأنا راضى، ومفيش أي مشاكل"، متسائلًا عن سبب منعه من الغناء، فقد أعجب بصوته في النقابة.
وأضاف: "والدتي تعبانة ووالدي متوفي وبصرف على أهلي، وأنا اللي شايل إخواتي، وماحدش عارف حاجة وماحدش حاسس باللى أنا فيه، أنا كانت أمنية حياتي وأنا لعيب كورة إن أقف وسط الجمهور ده، وربنا ما أردش واتظلمت واتبهدلت في الكورة، وأنا حسيت الإحساس ده فى الحفلة، ومن كتر الفرحة كنت هعيط، وأنا بعد الحفلة ما خلصت والدتى كانت بتكلمنى، وبتعيط".
وأشار إلى أنه سيواجه مشاكل بعد قرار هاني شاكر، فقد حصل على "عرابين" من حفلات خارج مصر ووقع عقودًا.
