«افرح»

اضحك ... خلّى الصورة تطلع حلوة

أعزف على أوتار أحزانك

مليون غنوة شبّ برجلك ..

حاول تلمس قرص الشمس

هات من نورها شعاع للغد ..

واحرق كل حروف اليأس

ابنى ما بينه وبينك سد .

أوعى تخلّى العمر يعدى

قبل ما تفرح إنزل واطلع ..

سافر وارجع ده الكون واسع

تقدر ترمح مهما الشجر اتأخر ثمره ..

لازم يطرح

أعمل من أحلامك مركب ..

بحرها صافى وشطّها مرمر

ابنى وعمّر ..

علّى وكبّر

حتى إن كان الملح بيشبه

لون السكر

حاول يلاّ وانا متأكد إنك .. تقدر