قصة حنين الماضي الحلقة الثانية

الحلقةالثانيه
وقفت رشا امام ساره قائله: ممكن أعرف هاتفوقى امتى ؟؟
مسحت ساره دموعها وهى تقول: مش قادره انساه كنا خلاص اخترنا العفش الشقه، الفرح وكل حاجه يارشا أناهاموت من كتر التفكير مش مصدقه الراجل اللى فضل مكتوب عليه كتابى 3 سنين محاولش مره فيهم يلمس ايدى محاولش يبص لى نظره مش كويسه لما كنت اخرج معاه ونيجى نعبر الطريق كان يوقفه علشانى، المهم مايلمسنيش كان بيحافظ عليا من نفسه يارشا، ودلوقتى بيقول انه حب حد تانى، مستحيل اصدق مستحيل، فاكره لما قولت لك انه زعق لى علشان خصله من شعرى بانت ادامه غصب عنى وقالى التزمى بالحجاب ! بجد انا هاموت هامووت!!
حرام عليكى نفسك هونيها مش كده
الموت اهون من اللى انا فيه رشا اهون بكتير
وخطرت فكره لرشا ثم قالت :أستنى لحظه !
ساره:هاتعملى اى؟
رشا:هاتصل بيه واشوف اذا كان عامل ف نفسه زيك كده ولا عايش حياته عادى
وانزعجت ساره من الفكره : لاء لاء ماترضهاش ليا يارشا اوعى تعملى كده
رشا /اطمنى مش هايعرف انك معايا انا بخاف على كرامتك اكتر ما تخافى عليها
_________________
تقدمت سلمى من الخارج وألقت التحيه على والدتها ثم قالت :فين ساره؟
الام/هى وراشا من الصبح ف غرفتها
سلمى:كويس ان رشا هنا أهى بتهديها شوى
وترددت الام قائله:سلمى ممكن أسألك سؤال
سلمى:أكيد ياماما اتفضلى
الأم: مازن.؟
واعتدلت سلمى واهتز جسدها بقوة وهى تقول بحرص:ماله ؟ حصل له حاجه..
الأم:ليه اتصلتى بيه وقولتى له انكم مش هاتكملو بعض؟
وضحكت سلمى قائله:كان لازم يطير
الام /ليه؟
سلمى/يعنى كان لازم ياست الكل كبرى دماغك انا هاقوم ازاكر
الام/ مازن اتصل بيا وقال انه لسه منتظرك وانه مالوش ذنب
سلمى/بكره ينسى يا امى بعد اذنك.
_______________________
رد أكرم على رشا بتهكم مصطنع
بقالك ساعه بتتكلمى مافهمتش منك حاجه ممكن أقفل بعد اذنك
رشا/عمرى ماتوقعت انك قاسى بالشكل ده
اكرم/ وحضرتك اتكلمتى معايا قبل كده علشان تعرفى ان كنت قاسى ولا لا من فضلك اقفلى
رشا /أنت وعدت ساره مش هاتتغير ابداا
اكرم/وحصل انى اتغيرت وحبيت هاتموتونى عدى ثلاث شهور واكتر عالقصه الممله دى بتتصلى ليه من فضلك ماتتصليش تانى انا عندى زوجه بتحبنى وبتخاف عليا وبتغييييير جداااااااااااا فمتتصليش تانى فهمتى
رشا/خساره ياأكرم فكرتك انسان وعندك قلب وهاتحس للأسف خاب ظنى فيك
ثم انهت المكالمه وهى تسترد قائله حقير!!!!!!
وقالت ساره التى كانت تمسح دموعهاأكرم بيمر بأزمه
رشا/ هاتشلينى سمعتى كل كلمه ازمه اى اللى بيمر بيها دا انسان حقير
ساره/ ارجوكى مافيش داعى للتجريح مسمحش لاى مخلوق يهينه
ـــــــــــــــــــــــــــــــــــــــــ
وداخل احدى الأماكن الهدائه
محمود/وبعدين يامازن هاتخسر حبك الوحيد
مازن/أعمل اى كلمتهاماردتش كلمت والدتها مفيش فايده
حاولت افهمها هى حاجه وساره واكرم حاجه ولا حيات لمن تنادى!!
كبر دماغك انا اللى يهمنى الوقتى اكرم اللى ألم قلبه أقوى من ألم مرضه مليون مره وأنا واقف عاجز لاقادر أساعده ف دى ولا ف دى
محمود/هون على نفسك ياصاحبى ان شاء الله هايخف وهايكون احسن من الاول مليون مره
مازن:يااااااارب أكرم مش اخويا الكبير بس دا أب وصديق وسندقلبه مليان حب وعطف ورحمه وحكمه هو الحياه بالنسبه لى انا وامى وساره يعنى لو جرى له حاجه يبقى انتهينا كلنا يامحمود
محمود/بعد الشر عليه ان شاء الله هايبقى زى الفل ادعيله انت بس وانت موقن بالاجابه
________________________________
ــــــــــــــــــــــــــــــــــ
اعتدل اكرم ف فراشه وهو يقول بوهن وضعف شديد
ماقولتليش ليه من الاول يا مازن
مازن:حبيبي ماتشلش هم ربنا يهديها
اكرم/ماسفرتش لها؟
مازن:حصل والله واترجيتها تكلمنى ولو لدقيقه واحده رفضت بشده
اكرم/انا السبب!
ماتقولش كده ياحبيبي هى حره
اكرم /مش هسامح نفسى ابدا لانى السبب ف تعاستك وحزنك
مازن/طول عمرك سر قوتى وسعادتى
اكرم حرمتك من حبك الوحيد
مازن /مش نصيبى واكيد ربنا هايرزقنى باللى استحقه ‏‎
ربنا ييسر لك الامور ياحبيبي وتعيش اسعد الناس يارب
ـــــــــــــــــــــــــــــــــــــ
وداخل الجامعه
ليلى / ساره الامتحانات قربت ودى اخر سنه
منى /ومتعودين منك عالتفوق بامتياز
رشا/كلموها بقى علشان تعبت معاها
ساره / ان شاء الله اسكتو بقى
منى/انتى اى الياس اللى انتى فيه ده
ليلى/كل ده علشان واحد خاين
وقامت ساره قائله بغضب:مش خاين ماسمحش لحد يهنه ادامى فهمتو ؟؟
رشا/ومش هانسيبك كده لما تموتى او تسقطى!
ساره/دى حياتى أنا محدش له دعوة
منى/اهدى شوى انتى مش أول حد يحب ومايحصلش نصيب انه يكمل.
ساره /مش هاتفهمو مستحيل قلب زى قلب اكرم يخون او يجرح الا اذا كان فى حاجه اقوى منه ومنى فهمتو؟؟
_________________________
تقدمت والده اكرم اليه ووجدته يبكى بمراره شديد
ليه كده ياأكرم انت عارف ان اهم حاجه ف حالتك هى الصحه النفسيه؟
ساره ياأمى بتتعذب ومش قادر اعمل لها حاجه أى حاجه
الام/ اتحايلنا عليك تقولها تكون جمبك ياحبيبي
اكرم / حاولت والله العظيم حاولت لانى بجد محتاجها جدا وجودها ف الدقايق المعدودة بحياتى هايفرق كتير لكن... لما اروح مين هايصبرها هتستمد القوة منين هاتتحمل فراقى ازاى وانا بتعذب ادامها ليل مع نهار
مش كفايه انتى ومازن لو بايدى كنت خبيت عنكم انتم كمان علشان ماتعشوش اللحظات القاسيه دى معايا
هون على نفسك يابنى حرام عليك نفسك
اكرم/ هى نفسى ياأ مى نفسى اللى اتحرمت منها فجأه بعد مكنا خلاص هانعيش مع بعض للأبد
وذاد بوكائه وغصات قلبه عندما قال:نفسى اللى هاتحرم منها ف الدنيا لانى هاموت وف الاخره لانها هاترتبط بغيرى وهتبدأ حياتها من جديد أنا بموت ف اللحظه مليون مره لأنى فارقتها وسببت لها ألألم وصلت الدموع لعيونها برغم انى وعدتها انها عمرها ماهتشوف الدموع والحزن طول ماهى معايا
آآآآآآآآآه يا امى انا بحبها اوى اوى وبغير عليها من نفسى
الام/ حرام عليك اللى انت عامله ف نفسك ده انا هاتصل بيها
اكرم : ابوس ايدك ابوس رجلك بلاش اتوسل اليكى بلاش
الام : طب اهدى ارجوك ارجوك يا ابنى... وحاول ترتاح شوية..
إنتظرونا في الحلقة الثالثة (والمفاجئة)