الرئيس السيسى يطمئن المصريين: "الأمور مش متسابة ومحدش يقدر يعمل حاجة"
قال الرئيس عبدالفتاح السيسي، إنه متابع كل الأمور، معربًا عن تقديره حجم القلق لدى المصريين.
وتابع خلال كلمته في قداس عيد الميلاد المجيد: "أتابع كل الأمور، وبأشوف كل ردود الأفعال، والقلق يمكن يكون مبرر، أكلم العالم كله من خلالكم، إن شاء الله السنة الحالية تكون أفضل من السنوات الماضية".
وأضاف: "السنين إللي فاتت كان فيه قلق، والظروف الصعبة موجودة من سنوات طويلة جدًا، إن شاء الله تعدي الأمور بسلام، الكلام لنا جميعًا، احنا في مصر بنعمل حاجات محدش بياخد باله منها، احنا مش ناسيين إن فيه رب، ربنا يحفظنا كلنا، يمكن حد ينسى، ومع الظروف يتهيأله إن الأمور مش ممسوكة، مش بينا، الأمور ممسوكة برب البشر، الدنيا مش متسابه كده".
وختم: "إحنا مؤمنين بالله كلنا، وعارفين إن ربنا موجود ومحدش يقدر يعمل أي حاجة في الوجود إلا بأمر الله تعالى".
