الفنان محمد القس: ذهبت لطبيب نفسى لهذا السبب

تأثر الفنان محمد القس، خلال ظهوره في فيديو تخيلي له في المستقبل وهو يوجه رسالة لنفسه ببرنامج "حبر سري"، وأمسك دموعه قائلًا: "شكلي في المستقبل يشبه أبويا الله يرحمه، وآخر 20 سنة في حياتي مكنتش عايش مستقر بحكم الشغل والسفر على طول".

وأضاف محمد القس، خلال لقاء مع الإعلامية أسما إبراهيم، المذاع على قناة "القاهرة والناس": "المشكلة إنك تبدأ لوحدك تتأقلم مع الوحدة ومش عارف الإحساس ده جاي منين، وإيه سببه، ولكن أنا ممتن لكل حاجة من الله، ورحت لطبيب نفسي وأعطاني حبوبا لعلاج هذه الأزمة".

وتابع: "كنت بحاول أتعالج وبعدين اكتشفت إن الحبوب مش بتعمل حاجة، وهو إحساس متعب، وهتغلب عليه، ويمكن فيه أقدار ناس ربنا مقدر لهم يعيشوا لوحدهم، وساعات الوحدة أفضل من العيشة وسط حياة كلها نفاق، وأحيانًا تحيط نفسك بناس صعب تطلب منهم يفهموا وصعب هما يفهموك".