عبق الحرية

الرسايل هوامش أرواح

بتقرب البعد ع العقل المنسوج

- من دنيا دوارة -

بينطر كل أوجاعه

ويهيم ف اللحظة

والنار اللى كلت الهيكل حتة| حتة

كانت أسرار شوق ف عضم الحلاج

احتوت نسايم وجوده معرفة...

الرسايل..

بشاير

إشارات

ومضة ف قلب طريق

صوت بيهفهف جوانا

بيخترق كل الحواجز

ويعاود يفتكر..

ليه!!

امتى!!

الوقت أزف ولا لِسه!!

واشمعنى حد بعينه بتترميله الكينونة

فينبهر بوجودها..

ويمكن ما يفكرش فيها!!

الحامول رسالة

والأنبيا.. رسايل

وأنا وإنت أسرار...

هامد كل الحواس

وأنتظر تفسير..

ولو غامت الحقايق

حين ما انطفى

هادور عليها.. جوارح

وهاسأل الأكوان

ولما ينطق كل شبر

بترنيمة تكشُّف جمعية

هاتأمل فيك.. حد..

السر...!