بعد حبسه.. زوجة عصام صاصا تتخذ إجراء قانوني ضد التشهير بها
تصدرت البلوجر جهاد أحمد، زوجة عصام صاصا، تريند البحث عبر مواقع التواصل الإجتماعي ومحركات البحث خلال الساعات الماضية، وذلك بعد أن علقت عن شائعة طلبها خلوة شرعية مع زوجها مطرب المهرجانات عصام صاصا، داخل السجن.
حقيقة طلب زوجة عصام صاصا خلوة شرعية مع زوجها
وعلقت البلوجر جهاد أحمد، عن حقيقة طلبها خلوة شرعية مع زوجها مطرب المهرجانات عصام صاصا، من خلال نشر فيديو لها عبر صحفتها الرسمية على موقع تبادل الصور والفيديوهات «إنستجرام»، توضح فيه حقيقة الأمر.
وقالت زوجة عصام صاصا، في الفيديو:"مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته عشان نشوفه، ليه بقى التحريف والكذب؟".
وأضافت:"دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟".
زوجة عصام صاصا تتخذ إجراء قانوني ضد التشهير بها
وتابعت:"أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته".
وفي سياق متصل، تلقت الأجهزة الأمنية بمديرية أمن الجيزة، إخطارًا من مباحث الإنترنت مفاده ورود بلاغ من "جهاد ماهر"، زوجة مؤدي المهرجانات عصام صاصا، ضد موقعين إلكترونيين، تتهمهما بنشر معلومات مغلوطة عنها والتشهير بها.
حبس عصام صاصا
وقضت محكمة استئناف القاهرة المنعقدة بزينهم، بحبس عصام صاصا وشقيقه سنة، و10 سنوات لباقي المتهمين في قضية تزوير محررات رسمية.
وأحالت النيابة العامة بالجيزة عصام صاصا، إلى محكمة الجنايات، بتهمة التزوير في محرر رسمي متعلق بقضية اتهامه بدهس مواطن، والتسبب في وفاته.
وخلال التحقيقات، استمعت نيابة الجيزة، لأقوال زوجة شقيق عصام صاصا، بشأن اتهامه بتزوير توكيل عام قضايا لأحد المحامين للدفاع عن شقيقه رغم تواجده خارج البلاد، وتم صرف زوجة الشقيق من النيابة بعد انتهاء التحقيقات.
