سر بكاء فؤاد المهندس على الضيف أحمد: ماذا قال عن علاء ولى الدين؟
قال محمد فؤاد المهندس إن والده الفنان الراحل فؤاد المهندس كان يطلق على عادل إمام لقب “ابني البكري اللي مخلفتوش” وهذا يظهر مدى العلاقة التي كانت تجمعه بالزعيم عادل إمام.
وتطرق نجل فؤاد المهندس للحديث عن علاقة والده بالفنان الراحل الضيف أحمد، في لقاء خاص ببرنامج “أنا وهو وهي”، المذاع على صدى البلد، مؤكدًا أنه كان يتنبأ له في ذلك الوقت بأنه سيكون صاروخ كوميديا، وخاصًة على خشبة المسرح أكثر من السينما، مشيرًا إلى أن والده دخل في نوبة بكاء وحزن شديد على وفاة الضيف أحمد، وظل حزينًا عليه لمدة طويلة؛ لأنه كان يحبه جدًا.
تعليقه على علاء ولي الدين
وتحدث عن علاقة والده بالفنان الراحل علاء ولي الدين، قائلًا: “في مرة لاقيت الأستاذ بيضحك قوي، وأنا في الوقت ده كنت عايش معاه، كان يعرف علاء وهنيدي، وشاف مشهد لعلاء ولي الدين من فيلم الناظر وقالي أنا عايز أروح أشوف الفيلم ده، واتصلت بالمخرج شريف عرفة وقولتله الأستاذ عايز يجي يتفرج على الفيلم، وحددنا الميعاد ورحنا ومعايا ابني وواحد صاحبي لاقينا شريف عرفة وعلاء ولي الدين واقفين في انتظارنا، واتفرجنا على الفيلم واتبسط منه جدًا، وقالي الولد ده هيبقى ممتاز عشان من جواه صافي وطيب”.
