روتانا ابنة غادة عبدالرازق تكشف رأيها فى مسلسل "حدث بالفعل"

كشفت روتانا ابنة  الفنانة غادة عبدالرازق، عن رأيها في مسلسلها الأخير "حدث بالفعل"، قائلة: كان دورها يخوّف، وفكرة إن الأم تغير على ابنها وابنتها، حصلت معايا بالفعل، لكنها ما خطفتش العريس، لكنها قعدته وكانت عايزة تطلع فيه أي غلطة، وقالت له إنت مناخيرك صغيرة، إنت قصير، إنت مكرّش سِنّة، عشان ما كنتش لاقية فيه أي غلط، فقالت لازم أعمل أي حاجة. 

من جانبها قالت الفنانة غادة عبدالرازق خلال لقائها ببرنامج "معكم" الذي تقدمه الإعلامية منى الشاذلي، عبر شاشة ON، "أحلى حاجة إني بقيت جدّة، أنا كان نفسي روتانا تخلف بدري عشان تفرح بأولادها، تعيش معاهم وهي بصحتها وتنبسط معاهم، مكنش يفرق معايا أبدًا أكون تيتة بدري".

وتابعت الفنانة غادة عبدالرازق: "إحنا طول عمرنا عايشين مع بعض، لدرجة إن روتانا أول ما تزوجت قعدتهم جنبي، كنت أنزل أمشي في الشارع وأوصل لبيتهم وبعد كده نقلت فوقهم، وبعدين أخدتهم يعيشوا معايا". 

معنى اسم “روتانا” 

كشفت روتانا عن معنى اسمها، قائلة: "إن اسمها يعني نوع من التمور في السعودية نصف أصفر والنصف الآخر بني وسكري، كانت ماما بتتوحم عليه"، لتعقب غادة عبدالرازق: "أجود أنواع التمر كان تمر اسمه روتانا، عجبني اسمه أوي فقعدت أقول لعادل والد روتانا إن شاء الله لو جت بنت أنا هسميها روتانا، قالي إيه ده يا غادة ده بلح".