السيسى: صندوق دعم الأسرة هدفه عدم وجود عوز واحتياج حال وقوع انفصال

قال الرئيس عبدالفتاح السيسي، إن الهدف من إنشاء صندوق الأسرة المصرية، حال وجود انفصال، هو عدم وجود عوز واحتياج، معقبًا: "الصندوق هدفه إن الأسرة لما يحصل لا قدر الله الخلاف وينتهي بالانفصال، البيت ميبقاش فيه عوز وحوجة، والست متبقاش محتاجة بغض النظر عن قدراتها، وإحنا كدولة نقدر".

الدولة تتصدى لمشاكل وتحديات تعاني منها

وأضاف الرئيس السيسي، خلال كلمته باحتفالية المرأة المصرية والأم المثالية لعام 2023، اليوم الإثنين: "لازم تعرفوا إن استقبال الناس للكلام مش زي بعضه ولا بأس، بحاول أفهم الدولة إنها تتصدى لمشاكل وتحديات تعاني منها من خلال منظومة بتتعمل ونقعد نقول ونرفع قضايا في المحاكم ونعمل كذا".

وتابع: "افتكروا مرة من سنين كنت بتكلم مع رئيس هيئة الرقابة الإدارية قبل كده وقلت عاوز يجي عليا في مصر وقت إن لو أسرة فقدت عائلها وإحنا بنطلعله شهادة وفاته نكون بنطلعله إجراءات معاشه، وكانت الفكرة أن البيت ده ميتهزش أبدًا وده كان تقديري عن الصندوق، ولقيت بعدها طلبات الزواج كترت جدًا، ويقولك إلحق قبل ما السيسي ياخد مننا 30 ألف جنيه، كله قال نجوز العيال قبل ما يحصل ده".

وشهد الرئيس عبدالفتاح السيسي، وقرينته السيدة انتصار السيسي، اليوم الإثنين، احتفالية تكريم المرأة المصرية والأم المثالية 2023، بمركز المنارة بالتجمع الخامس.

ويحرص الرئيس السيسي، على حضور الحفل كل عام تقديرًا لدور المرأة المصرية، وتأكيدًا على دورها فى كل ميادين الحياة.