«أخلاقنا الجميلة» تستعين بفؤاد المهندس لتوضيح أهمية الجيران

أطلقت الشركة المتحدة للخدمات الإعلامية عبر قنواتها المختلفة حملة "أخلاقنا الجميلة" وتهدف للتحلي بالأخلاق الحميدة والبُعد عن الصفات الدخيلة، مثل "التنمر، التحرش، سوء معاملة الكبير، وغيرها".

الجيران بتساعد بعضها كأنهم عيلة

واستعانت حملة "أخلاقنا الجميلة" بمقطع صوتي للفنان الراحل فؤاد المهندس، من مسلسله الإذاعي الشهير "كلمتين وبس"، عن مساعدة الجيران قال فيه :"الجيران اللي المفروض إنهم زي الأهل بالظبط بل يمكن في ناس بتشوف جيرانها وتعاشرها أكثر من أهلها وفي جيران تعرف من أسرار جيرانها أكثر من الأهل بردوة وجيران بتساعد جيرانها كأنهم من عيلة واحدة، الجيران اللي النبي عليه الصلاة والسلام وصى عليهم وأمر بضرورة حسن رعايتهم والاطمئنان عليهم".

وأضاف: "أعرف راجل كان ساكن في شارعنا كان له جار سافر وساب مراته وأولاده لمدة كبيرة وكان هذا الجار يا حضرات السادة الأفاضل لا يمكن يفطر ويتغدى أو يتعشى هو ومراته وأولاده قبل ما يطمن إن ولاد جاره ومراته أكلوا قبل ما يدفع إيجار شقته كان يدفع إيجار شقتهم قبل ما يجيب هدوم العيد لأولاده كان يجيب هدوم أولاد جاره، و لو حد من الأولاد عيي يبقى هيقطع نفسه ما بين دكتور ومستشفى لو لزم الأمر".

وتابع: "لما كان حد يندهش من تصرفاته كان يقول دا جاري يا ناس دا العشرة والزماله دا الصبح والمساء دا الفرح والزعل إزاى اتخلى عن ولاده وهو مش موجود دي مسؤولية في رقبتي لازم اتحلمها ماهو دا الجار الحقيقي اللي يراعي جاره مش كدا والا ايه".