«ضيعت البنت معاك».. أبرز تصريحات والد حسام حبيب التى تصدر بها الترند

تصدرت تصريحات حسين حبيب، والد الفنان حسام حبيب، مؤشرات البحث على جوجل، حيث هاجم ابنه "حسام" واتهمه بشكل واضح وصريح بأنه السبب في ضياع الفنانة شيرين، في هذا السياق نرصد أبرز تصريحات والد حسام حبيب التي تصدر الترند بسببها.

_ قولوا الحق ولو على أنفسكم، هو ينفع أخالف شرع ربنا بحجة إني أحمي أولادي البنات ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل.

_ أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها.

_زرعت العداوة بينهم وحطمت زوجتك بجهلك بشرع ربنا.

_ ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.

_هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية، ويقعد أربع سنين من غير شغل، وراجع تاني تقفل عليه الحنفية هو وأمه وأخته وعايزه يسيبك.

-يا ناوي على قوتي ياناوي على موتي، الزوج يتعوض الأم والأخ ما يتعوضوش.

_ كلمة حق لوجه الله والدين النصيحة.

_ أنت بتقول لما رجعت ليها العربية واحد بيشتغل معاها أخد العربية اللي بـ 5 مليون وقالها هابقي اديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض أنت كده بتدي مبرر لأهلها ليحجروا عليها، وبتطلعها أنها سفيهة وعبيطة.

_أنا من معرفتي بها أنها واعية وناصحة بتيجي تكحلها تعميها، اسأل أبوك يقولك تقول إيه.